ngeni, miyagum la misan a aldo tatayra'na ning Dyos.
Ing Dyos e ya pepainggulut karing aliwang balen, e ya
naman magkulang king kckatamu; ing kayang parasan ya
ing parasa'ning katimawan!”
Ing é mu nanung katahimikan ya ing sinalisi kareting amanu. Kabang malilyari iti, ing bangka, tatange ring agus, milalapit ya king pampang. I’Elias ya ing mumunang minyabi.
"Nanu ing sabyan ku karing mitubud kanaku?” nganang kinutang minaliwa pamanyabi.
"Sinabi ku na kekayu; panandaman kung maragul ing karelang bili, dapot manaya la, uling ding marok é la milulunasan karing aliwang marok, at karing kekatang kasakitan ita ngan atin tang kasalanan."
I’Elias e ne myuman pang mekibat, diku ne ing buntuk, sindu na ing pamamagse, at inyang miras no king pampang, memun ya kang Ibarra at nganang minyabi : "Pasalamatan da kayu, ginu, king kapakumbaban a pekiyagpang yu kanaku. King uli na ning sarili yung masabal, yadwan ku kekayu king paintungul kalingwan yu ku at € yu ku kikilalanan king nanu mang pamikatagun a nung nu ta mikit."
Kaybat nang sinabi iti, pasibayu neng pemagse ing bangka, papunta king metung a kakapalan ding tanaman king pampang. King kekaba’nitang pamamagse, menatili yang alang bulad. Balamu manakit yang aliwang bage makapasubali karing libu-Iibung balamu dyamanteng salang apapalto na king danum ning kayang pamamagse a mababating mung makanyan busal ding asul a agus.
Inyang misadsad na la, ing metung a taung ibat king kakapalan ding tanaman segana’ne i'EIias.
"Nanu ing sabyan ku king Kapitan?” nganang kinutang.
"Sabyan mu king i’EIfas nung e ya munang mate, tupara'na ing kayang pangaku,” nganang malungkul mekibat.
"Nung makanyan, kapilan ka makyabe kekami?”
"Potang ing kekong Kapitan isipa’nang dinatang na ing oras ning panganib.’’
"Nung makanyan, adyos!”
