yan lang anti mo ring animal a lasip: mitmu lub king
sama at pikakasaman. Ing matwa karing adwang mikapatad a
busal nitang kasakitan makaganaka pa king
kayanaka'nang masaya, meging tulisan ya kabud mikaganap
neng sikanan. Sinaguli ing lagyu nang madayang
Bálat miras karing myayaliwang lalawigan, pitakutan
ding dakal a balen, uling ing kayang pamamali patulung
daya at manyilab. Ing makawaling pigkaluba'
ning panaun king metung a pusung mayap, pibata na
ing palad na at kasawian kambe ning kayang indu;
magkabyayan ketang akakwa ra king pulu, mibablas la
ketang galut a yugse ra karela ding maglakad. Ing
babai mekalingwa’ne lagyu, pikabalwa'nya mung anti
mong babaing "marok”; ing anak a lalaki pikabalwa'
nya mu king lagyu ning kayang indu, pauli ning yumu
ning kayang panugali e ra ukulan anak ne ning minyilab,
at uling ing sabla malyaring pikakunwan king pamanugali
ra ding indyu.
“Bandang tawli, i’Balat merakap ya, ing kapamahalan singila’neng mayap karing depata’nang kapas langan, ning kapamahalan a alang depatan king kayang ikakayap. At misan a abak, ing makatagan a anak, manintun king indung minta king pulu ban mangwang payungpayungan at e pa migbalik, ikit neng makapase king gabun, lele ning dalan, lalam ning metung a dutung a bulak, makalawe banwa ding mata na pakasilad matulid, ding gamat makagamal king gabun a maki daya. Ing anak telanga no ring mata na at tikyan ing paglalawe ning bangke, at ikit neng makabitin ing metung a lulanan a nung nu ya atyu ing madaya nang buntuk ning kayang kapatad!”
"Dyos ko!” nganang mipasyo Ibarra.
"Makanyan ya namang mipasyo ing kanakung igpa,” nganang malanging milud manyabing Elias. "Ding tau tibtab de batal at pemirasu ing tulisan at kitkut ing kata-wan, dapot ding aliwa nang dake mikalat la at mibitin karing myayaliwang balen. Nung neng misan maglakad kong manibatan Kalamba papuntang Santo Tomas, akit ye pa ing makalunus a dutung a lomboy nung nu ya mebuluk makabitin ing metung nang bitis ning kanakung bapa. Ing katawan simpa ne at ing dutung e ne melabung at memunga. Makanyan mu naman ing depatan da karing aliwa nang dake ning katawan dapot ing buntuk, ing buntuk anti mong ma
