“Dapot, senyora . . . Don Tiburcio!” “Ituru yeng mayap ing kekong asawa, isali yeng masalese imalan, at nung ala kong kwalta, manako kayu karing kwalta ning balen at uli na nita atin kong sundalus!” nganang gugulisak Donya Victorina.
"Ati’ku keni, Senyora! Baket ing kamalan yu é ne pa balbalan ing kakung asbuk? Ikayu ala kayu nune mu dila ampon lura, Donyang misnang kayap!”
“Senyora !” nganang mikakamas ning alperes, “pasalamat kayu agaganaka ku pa ing babai kayu, nung ali pasulagpon da kayu karing paldak kambe ring sabla yung kulut at nung nanu pang pakasabit king kekong katawan!”
"Gi . . . ginung alperes!”
“Lumakad kayu, ginung makamate karing alang sakit 1 Anti ko mong e makapantalun, Juan Lanas!”
Mika é mu nanung inge karing panagkas at galo ring gamat, gulisakan, palkara at pamasakit lub, lege ra ngan ing pakasalikut karing karelang simpanan. At anti na ning ding apat katau sasabi la ngang myagnanagnan at daka’lang tutu panyambitlan a makasira karing aliwang tau, papalto dakal a katutwan, e mi na isulat keni nung nanu ngan ing mesabi. Ding memakirandam nung wari man e ra ngan ataluse nung nanu ing mesabi, miglimbang lang e mu ditak at pagnasan dang akwa rang mipate ring mitutunggali. King kakulangan kalma dinatang ya ing kura at saka ya memayapa.
"Senyores, senyoras, karagul a kamarinayan! Gi nung alperes!"
“Baket makyalam ko keti, mapagkakanwari, mapaglili?” "Don Tiburcio yuli yu ne ing kekong makibale! Senyora, pigilan yu ing kekong pamalmura!”
"Sabyan yu yan kareng mapanako karing maluka!” Tunggal-ditak megisan la ring palmura, mimin la ring kaustan king kamarinayan ding mingatbang panig, at babala at malkara, makakalale lang mikawani. I’Padre Salvi lalapit ya misusumangid at lalung paragul king pyalben. Nung ing kakaluguran ming Corresponsal atyu sana . . .! ”
"Ngening ngeni munta ka Menila king Kapitan Heneral!” nganang mapaling Donya Victorina king
