saken, mika kabugasukan yang gulisaka 'neng tabi!
king siwalang masikan at iti miparayu ya at alang asabi
nune mu ing : "Alben me ing brutung kutseru ! Sabyan
ku king amu na ing ituru nong mayap ding kayang
utusan.”
“Magbalik tana bale!” nganang minutus ning asa wa. Ing babai, migaganaka king pisasabyan, tinulug ya king kayang guyabnan at pemintwa ’na ing utus.
Asaganan de ing alperes, mipamuge la at iti digdaga’na ing mwa nang Donya Victorina: ing militar é mu ing e na pepayalagan ing piblas nita nune sinyasat ne pang anting tatatsan.
“Ika e me dapat ibye ing kekang gamat king metung mung alperes,” ngana king asawa na inyang mira yu ne ita. Ya halus tigkila’nya mu ing kayang capacete at ika leko me ing kekang kupya; e mu balung lingapan ing kekang kabilyan!”
“Ya ing pa . . . pamuntuk keti!”
“O ninanu kekatamu? Indyu tamu wari?” “Atin kang katuliran!” nganang mekibat ning lalaki, e ya bisang makitaltalan.
Linabas la king bale ning militar. I’Donya Consolacion atyu king awang anti mo ing sadya, makapiblas king kayang pranela at makasindi ya ing maragul nang tabaku. Anti na ning ing bale mababa ya, mipaglalawe la at i'Donya Victorina akilala neng mayap: ing musa ding gwardya sibil pagumasda'neng tahimik ibat karing bitis angga king buntuk, at kaybat, sinibi ya, linura at belikid ne ing lupa kasumangid. Iti gisa'na ing pamanupaya nang Donya Victorina, at likwa'neng alang kataid ing kayang asawa, mibalik ya’t tilira’ne ing alperesa, gagalgal king mwa at e makapanyabi. I’Donya Consolacion belikid neng makakalale ing buntuk na, linawe neng myuman king aske lalung magdalang palkara.
"Nanu ing buri yu, Donya?” nganang kinutang.
"Malyari yung sabyan kaku, Senyora, nung baket lalon yu kung makanyan? Marirya kayo?” nganang mekapanyabi mu ring Donya Victorina. “Aku, marirya ko? At kekayo?” nganang makaWa, kariryan ko ding kekong tuksu ning Medusa.u) kulut!”
1 Babai king mitologia griega a gewa nang ubingan a bwak at misnang karok a itsurang Minerva, dyosa ning kabyasnan.
