minyambut. Dinalan laban anam a pulu.”
“Mika yari tamu! Manaya kayu kuma kung kwalta.”
"Dapot aku ing talan,” ngana ning metung e binang maniwala king aske nang Bruno.
"Mikametung mu kaku!” nganang mekibat niting manalig karing kayang takde. At minarap king kayang kapatad, nganang minyabi:
"Nung malakwan ka, aku tuki ku.”
I'Tarsilo mibalak ya: kalugura’ne ing kayang kapatad ampon ing sugal. E ne alakwan dilidili at nganang bubulung:
“Sulung na!”
Pintalan de i'Lucas, Iti ikit nong daratang at tinimaa ya.
“Mama!" nganang Tarsilo.
"Nanu ita?”
"Nu anti ing ibye yu?” ngarang kinutang ding adwa.
“Sinabi ku na kekayu : nung ikayu ing manibalang manintun aliwa pang kayabe ban salake king kwartel, dinan da kong titlung pulung pesus at apulu king balang aliwang kayabe. Nung ing sabla Iwal masalese, tanggap ya pang dinalan ing balang katau, at ikayu dobli. I'Don Crisostomo mabandi ya. Antalu ring
"Tatanggap ku!” nganang Bruno. kwalta?”
“Ngaku nang mimisip ing ikayu matapang kayung anti mo ing kekong igpa! Meko keni ban e ra ka tamu damdaman ding mekamate kaya!” nganang Lucas tinuldu karing gwardya sibil.
Dela no king metung a suluk at nganang sasabi kabang bibilang no karela ring kwalta:
"Bukas datang ya i'Don Crisostomo at magdala yang sandata. Makadwa, itang magkawalu ning bengi, munta ko king sementeryo at sabyan ko kekayu ring tawling panabilin king sukat daptan. Atin kong panaun ban manintun kayabe.”
Mipamu’na la. Ding mikapatad anti lang milihe
lugal: i'Tarsilo tahimik ya, i'Bruno ya ing maputla.
