babayad ding lulub karin makinabaug yang mapilan
dalan a pesus ing Kapamahalan balang banwa. Sasabyan
da king kareting kawltang babayad ning bisyu king
kayang pangatimawa makapitalakad lang misnang pangasanting
a eskwela, makapagawa lang tete at dalan,
makapisadya lang myayaliwang galal ban mipasulung
ing pamipagalo-gabun ampon ing kalakal . . . Nwan a
bina ing bisyu ngening makapalto misnang kayapan
a bunga!
Keting mumunang dake ning sabungan ati’lu ring magtindang maman, tabaku, pamamanganan at aliwa pa. Karin mititipun la ring kayanakan a tutuki karing karelang mangatwa 6 bapang maingat miyanad karela ka ring lihim na ning bye.
Iting dake makatuglung ya king aliwang dake maki degulan pang bagya, metung a pipupulungan a nung nu ring malda mititipun la bayu la marapat ding sabung. Ati’lu kaniti ring dakal karing manuk, pakapaku la ring karelang tali karing pakung butul o dutung. Ati’lu karin ding sane king sabung, detang maki hilig kaniti, ing metung a sane mitatali king tari. Karin mipagtratu, mibalak-balak, mipanandaman, mipalmura, mipanyumpa, migagalapakan. Ita apisa’ne ing gamat ketang makislap a bulbul; ini sisisyata’na la at bibilangan ding kaliskis ning bitis; mipagsalita dikil karing tagumpe ring maoanyambut; karin akit yo ring dakal a lupang maligalig, bibitbitan king bitis ing metung a manuk a mete at ala nang bulbul; ing animal a karing pilan bulan binang mipakamalan, mipasunuran, mai-ingat aldo at bengi, at nung kaninu makataguri la ring e mu nanu karelang kapanayan, ngeni metung niya mung banke a malyaring mipisali king metung a peseta, ba'yang milutung makiyabe gule at mapangan ita kabud bengi: makanyan lalabas ing gloria king yatu! Ing mesambut magbalik king pibalebale a nung nu ne balisang panayan ning asawa ampon ding galutgalutan a anak, ala nang kwalta at ala pang manuk.
Ketang misna lagung paninap, detang sablang kaingatan ding mapilan bulan, ibat king panaslag ning aldo angga potang lumbug ya, ketang sablang kapagalan at obra, ing bunga metung yang peseta, ing abu nitang d mu nanung asuk.
