nakit yang diputadong magmasakit kekatamu, isipan
mung daptanan da katamu ketang sukat?”
“Subukan tamu ita bayu tamu dapat king bage patulu king daya,” nganang mekibat Elias. "Mekad magmulala kayu king aku, metung a alang kalma, anak pamu at masanting a pamikakatawan, isangguni ku kekayu, ikong matwa na at mayna, ding kararaptanan a payapa. Dapot menakit na kung e mu nanung kasakitan a pepasari tamu anti itang pepasari ring mapanalipit. Ing alang bulad ya ing mamayad.”
"At nung ala tamung apalyari?"
"Atin mu ring merapat, panwalan yu ku. E ding sablang manyakup masikampu la. At nung ala tamung akwa, nung 6 ra kata pakirandaman, nung ing tau maging maklak ya king kasakitan ding kalupa nang tau, kanita maging falatuki yu ku 1”
Ing matwa, mitmung tula, kinaul ne ing kayanakan.
"Tatanggapan ku ing sangguni mu, Elias. Balu ku ing tupad ka king kekang sinabi. Munta ka kaku at saupan da kang mamali karing pipunpunan mu. Ika saupan mu kung mamali karing kakung anak, karing ana’kung kalupa mu!"
"Ngening kapanaunan, ginu, panginlagan yu ing sablang kapaslangan.”
“Ibuntalag mo ring tutul ning balen, uling balu mu na la. Kapilan ku abalu ing pakibat?”
"Kilub ning apat a aldo, padalan yu kung tau king pampang ning San Diego, at sabyan ku kaya king ibve ne kaku ing taung kakung panenayan . . . Nung tanggap ya, pakirandaman da katamu; at nung ali, aku ing mumunang miragsa king labanan a arapan tamu.”
"I'Elias e ya mate. Ya ing manimuntuk potang i'Kapitan Pablo miragsa yang matula king pangatupad ning kayang pamamali,” ngana ning matwa.
At ya kabud tikya'ne ing kayanakan angga king milwal ya ketang karinan.
■
