king sepu ning kayang anting, at bisni ne ing metung a
malating libru, nganang minyabi:
“Makiramdam kang mayap, ana’ku, magmula ku karing Mandamientos de la Ley de Dios. Masa kung banayad ba'kang makapigunam. Nung e mu ku dindam mayap, sabyan mu kaku ba'kung ulitan; balu mu nang king ikakayap mu e ku mapapagal.
Migmula nong binasa king siwalang makatundu at bibyung ding kasalesayan a makarikil karing bage makasalanan. King sepu ning baiang parapo paynawa yang makaba ban munye panaun king dalagang misip karing kayang kasalanan at ban sumisi.
I'Maria Clara makalawe yang alang akakit king marayu. Kayari na ning mumunang utus a luguran ya ing Dyos maygit karing sablang bage, pagumasda'neng Darang Isabel babo ring kayang salamin at iti matula ya king anyu nang migugunam at malungkut nita. IDarang Isabel menguku yang mitmung kabanalan, at kaybat ning makabang pamanuknang, pigmula'ne ing kadwang utus. Ing mayap a matwa babasa yang mitmung katingid at, meyari la ring kasalesayan, linawe neng myuman ing kayang pangunakan a makakalale minarap kasumangid.
"Bah!” nganang sasabing dili nang Darang Isabel, "kaniti isumpa ing banal nang lagyu, ing kalulu ala yang nanu mang kasalanan 1 Lon ta ya ing katlu.”
At ing katlung utus mengapirake ya at mipamasala., at mebasa la ring sablang bage a nung nu mikakasala laban kaniti, pasibayu yang miglalawe nangan king kama. Dapot ngeni ing dara tinas no ring salamin at pinulis no ring mata. Ikit ne ing pangunaka’nang linapit ne ing panyu na king lupa anti mong kuskusa’no ring Iwa. ehem! Ing kalulu mipatudtud ya
"Hm!" ngana, "ehem! king kekaba’ning aral.”
At pasibayung kine no ring salamin king sepu ning kayang arung, ngana:
"Alben ta nung makanyan e no pengilingan ding puesta, e na la naman peparangalan ding kayang mangatwa.”
At binasa ne ing kapat a aral king siwalang lalu pang banayad at mabulung lulwal king arung, mimisip king makanyan adina'nang lalung kahinhinan itang
