yang maglalawe ya king salamin, tiniman ya king
malungkut a pamamansing karing gilagid nang alang
ipan; metwa ya waring apulung banwa.
I'Donya Victorina, binang matula king kayang asawa, linguna’na ing pangagawa ring ganap a ipa’nang pustisung Don Tiburcio, ing pangapiblas na niti at pangagayak a imalan karing palalung mayap a sastre ning syudad ; pepasadya neng saken at kalesa; minyawad ya Batangas ampon Albay karing lalung mangayap a kabayu, at angga na king pinilit neng mikayadwang kabayu karing daratang a pamilulu kareti.
Kabang babayu ne ing kayang asawa, i’Donya Victorina é na naman kakalingwan ing sarili na: inalila'ne ing sayang seda at kamisang pinya king piblas europeo ; inalila’ne ing karaniwan dang sanggul ding pilipina karing pigawang bwak, at karing piblas nang magaslo leko na ing katahimikan karing payapa at mapagumasid a kakanlapit nang tuknangan.
Ing asawang e na lulwal lalakad — ing babai e ne buring mayakit ing pile niti — tutuki neng magmain i’Donya Victorina karing karinan a palalung masinup at iting babai bina yang mwa kaniti uling buri neng pakit ing asawa na karing karinan a lalung matau, dapot magtahimik ya pauli ning gagalang na ing karelang "luna de miel.”
King tawli nang kapat a dake ning bulan, migmula ya inyang ing lalaki pigmula'neng pakisabyan ing babai dikil karing polbung abyas sinabing deta e la mayap pauli ning é la natural. I’Donya Victorina kilutu'no ring kayang kile at linawe na la ring ipa’nang pustiso ning lalaki. Iting tawli migtahimik ya at ing babai ikit na ing kayang keynan.
E binang melambat inukul nang maging indu ya at iti pepabalu na karing sabla nang kakilala.
"Keng bulan a daratang, aku at, i’de Espadana muli kc Espanya. E ku buri king ing kekeng anak mibait ya keti at pamalagiwan deng revolucionario.”
Binili ne ing metung a de king apelyido ning kayang asawa. Ing de é ya mika nanu mang gugul dapot mike yang categoria‘¹’ king lagyu. Potang magpirma ya, susulat na ing Victorina de los Reyes de de Espadaña. Iting de de Espadaña ya ing kayang sakit. Ni ing
1 Makapasubaling ulaga.
