iting balita miraras karing taung balen, migmula nong
mikakapikakunwan kaya, at king misasaguli i’Don Tiburcio
Espadana mewalan yang ulwan at pasibayu mepilit ne naman
halus magpalimus king pagkabye na
aldo'ldo. Ketang panaun a ita abalu na king metung
nang kakaluguran a kekanlapit nang Donya Victorina
ing pamangaylangan a atyu keting babai, ing kayang
pangamakabalen at ing mayap nang pusu. I'Don Ti
burcio ikit ne karin ing metung a dake ning banwa at
inawad na ing mipakilala ya.
I'Donya Victorina at i’Don Tiburcio mikit la. "!Tarde venientibus ossa.!”‘¹’ ngana sanang minyabi nung byasa yang latin. Itang babai e ya mu malyari nang milabas nune milabas ne. Ing malabung nang bwak meging metung nya mung malating buknul, anti mo ing sasabya'na ning kayang utusan, kasindagul na nya mu ning metung a kabukwan a bawang. Ding kulurun pindinan da neng gulis ing kayang lupa at magmula nong pasitugun ding kayang ipan. Ding mata na menandaman la naman, at iti maragul; dapat ya pamung sumipat potang lalawe ya king makarayu. Ing pamanugali na ya na mu ing e minaliwa king sadya nang aske.
Kaybat ning kapitnang oras king pamipagsalita ra, mikalutas la at mikasundu. Ing babai lalu ne sanang buri ing metung a espanyol a é makaing pile, é binang kakak, é binang kalbu, é binang marok a itsura pamikakatawan, é binang matalik manalansik a wawa potang magsalita at makiyatin ya sanang maygit bagyang kabayanyan at katasan a disan king bye, anti mo ing parati nang sasabyan niti kabud babai, dapot deting adle espanyol e la lalapit kaya ban yadwan de gamat. E mu misan dindam na ne ing kasebyan a "ing pamikatagun ala yang bwak”‘²’at peniwala'nang lubus king i’Don Tiburcio ya na iting pamikatagun, pablasang pauli ning delana’nang pamagkasakit maranun yang milako bwak. Ninu ing babaing é maingat king twang atlung pulu't adwang banwa?
I'Don Tiburcio naman, king kayang dake, menandaman yang e matiwase lungkut king daratang nang "luna de miel” king kayang pamakyasawa. Tiniman
1 Butul karing mitatawling daratang, o mayap na ing tawli kesa king ala kapilarr man.
2 AIang buak a malyaring sakmalan ban e ya mabulus.
I
