man malating milagru. Inya ing mayap daptan munye
limus karing adwang krus kanita alang maginakit metung
man at agad yang kumayap i’Maria Clara. Malinis
la ring siled? Sukat lang makasadya uling balu mu
pin datang yang abe ra ring adwang mediku ing metung a
kamaganak nang Padre Damaso, inya kaylangan
king alang kukulang.
Ketang metung nang suluk ning komedor karin la ring mipisan, i’Sinang at i'Victoria at dinatang la ba'reng abayan ing masakit. Sinaup yang miglinis i’Andeng karing kasangkapan a pilak a pinuma’n tsa.
"Kakilala ye i’Doktor Espadana?” nganang kinutang ning kapatad king sisiwa nang Maria Clara (hermana de leche).
"Ali ke,” nganing kitnan. “Ing balu ku mu king mal yang singil, agpang kang Kapitan Tiago.”
"Nung makanyan sukat yang magaling,” nganang Anding. “Itang medikung menopera kang Donya Maria siningil yang mal, uli nita byasa ya.”
"Sukat!” nganang Sinang. "E balang sisingil mal, byasa. Lon me i’Doktor Guevara. Yang dinungut king metung a Indung manganak. Subali king mete ya ing Indu, meputut ya pa buntuk ing anak, kaybat singila' ne pang limang pulung pesus ing mebalu. Ing balu na mu singil mal.”
"Nanu tang balu mu! nganing pisa’na at saka ne sinikil.
"Nang balu ku? Ing asawa metung yang maglarin dutung, kaybat nang kebatingan asawa, mewala ya naman ing bale na, uling ing Alkalde, a kakalugura'ning doktor, pepamayara'neng pilit. . . Na’ng balu ku, ane?
Ing pengari "ku ya ing peparam pagpasahi ba’yang myuli Santa Cruz.”
Ing saken a tinuknang arap ning bale tiknang na Ing sablang pisasabyan. I'Kapitan Tiago, kayabe nang Tya Isabel, tinipa lang pupulai ba'rong salubungan ding dinatang. I’Doktor Tiburcio de Espadana, ing asawa na, i’Dra. Victorina de los Reyes de Espadana at ing metung a lalaking kastila, matikdi at pibuburyan a itsura. I'Donya Victorina, makapiblas yang batang seda, maki burdang bulaklak, makakupyang maki lorung
