bisa la namang makaramdam bersu. Ding mamusan
kang San Juan, mapagal nong manaya, migtimpu la at
pikasundu rang ibili ra ne pa king gabun ing santung
pupusanan da.
"Mimwa ya galang ing agwasel?” nganing metung.
“Asus...! Keta king sakristya lalakwan dyamu king metung a suluk a mitmung bale babagwa!”
Inyang ibili re i'San Juan, mekitulad nyamu Ra ring memalen.
Inyang ilwal de i'Magdalena, tinuki la ring babai. Lugal a ila sanang muna ring anak a babai, anti mu naman ing karing lalaki, ilang makauna ring mangatwa at ila mong manyara king limbun angga king karu ning Birhen ding dalaga at gulut ning santus i'Padre Damaso papandungan deng panyu. Ing palakad a iti ibat kang Padre Damaso uling ngana: “Ding dalaga ilang buri na ning Birhen at aliwa ring matwa,” at kaniti mamwangit la ring kosyang dapot e uli na niti sukat umanan ing buri na ning Birhen.
I’San Diego yang tinuki kang Magdalena at iti balamu é na tulang San Diego, uling matamle yang mayayakit manibat itang abak a tiki re kang San Francisco. Kukulyutan de ing karu na ring anam a matwang makayanib king Hermanns Terceras, mekad uling panata ra o kaya ban mauli ing kapanamdaman da, den ila ring kukulyut at tula ra iti. I'San Diego tinuknang ya arap ning entablado at manaya yang pugayan da.
Kaylangan pamung panayan ya ing karu ning Birhen a tutukyan da ring taring maka imalan balamu aswang a makatakut karing anak a uli niti daramdaman mu misusumangid ing kyak at gulisak da. Makanyan man, busal da retang taung makabalut matuling, makatibukbung, makababat at maka sutana, bibyung lulwal king arung ing panalangin dang e mibabayu, labi lang adwang anak a maka ganing maputi, at maka koronang bulaklak, maka kulut a bwak, anti mong sagiwang sampaga makasalamuha karing basan a luma. Ing kikislap dang panimanman makitulad karing brilyanti ra ding karelang kwintas. Mengari lang mangalating sinag a makasukul libutad ding maglagu. Makatalan la karing adwang mangaragul a lasung maka-
