ding pakasalbag karing pangpang na at balas a malinatnat
ing maging dase na lalam. Itang danum nang mamagus
é na ayaligwat man a kamu ning lilipo angin.
Dapot bigla yang mekitid ing dala'na, mangagaspang a
batu ing sinalabat king lalabasa’na, punlang mangaragul
ding sinabat king lakad na nung inya itang mamung
ilug mikasbu ya, miglundag at mikal ing agus na at
pemalugse na ing bubusuk nang bula, pemaliswag na
ing pakasalabat at ing bubwang nang danum tinaglus
king kalalaman ding saug!
Bisa yang manalangin dapot ninu ing makapangadi busal ning maging pisak nang penandit ning taung mete na panenayan. ..? Ing panalangin kareta yang ating panenayan at ing mamawi king Dyos bubuklat nya mu ing salu na ba'nang ipatad ing karalungan. . . "Dyos ko,” nganang gugulisak ning pusu na, "ba't ipayntulut mung idayu reng makanyan ing metung a tau; ba't ipayntulut mung itanggi ra kaya ing lugud da ring aliwa? Kaya e mu ipagkait ing kekang aldo, ing kekang amyam at e me sasalikut kaya ing banwa mu, ba’t mo itanggi mu kaya ing pakamal kabang kamalayan mu namang agyang alang aldo, alang angin at aid mang banwa malyari yang mye dapot ali yd, e ya malyaring mye kapilan man nung alang lugud?”
Miras kaya king karuruka'ning Dyos itang gulisak á é ra daramdaman ding tao? Damdama'na kaya ning Indu ra ding mealang kalma?
Kalulung dalagang e man mekasimsim king lugud ning metung a Indu, ngeni ipagtapat na ing dusang pepauli ning lugud keti sulip ketang pusu nang malinis ning Birhen a alang male nune mu ing pakamal ning anak at ning Indu. Ketang kayang lugma daralung ya king larawa’ning babaing meging salami'ning kalinisan, ing pekakatawan dang malagung dili king tagimpan ding sablang tau, yang babaing bibu nang lusuk king ningning ning Kristyanismo a masisikap karing adwang banal nang uri ning babai: birhen at Indung musing .. . yang babaing yan iya ing awsan tang Maria . . .
"Indu ku... Indu ku...!nganang managulele.
Dinatang ya i'tya Isabel ba’neng kwanan ketang kayang palsimi. Dinatang la ring mapila'nang kakaluguran at ing Kapitan Heneral buri neng akasabi.
