kan. O nung mabye ya ing pengari nang babai, nanu
kayang sabya'na? Dyos ko! Agaganaka ku pota malyari itá
king ana'ku uling mapali ya naman a buntuk...
Ay! Jesus ko, kariryan ke pa itang meangubye Ima na,
uling ita ikamate kung sukal a lub!”
"Aku, ali ku,” ngana naman ning metung a babai, "e ku sumukal a lub nung malyari ita karing adwa kung anak!”
“Nanu ngayo, Kapitana Maria?” nganang misdan ning minuna at pidaup no ring gamat na. "Kaylangan ping balu neng ipanlwalu ning metung a anak ing lagyu na ning meangubye nang Igpa, Kapitana Tinay. Ngayu paya nung sakali mabalu kayu at damdaman yeng palkaran da ing meangubye asawa at ing anak yung Antonio e ya bubulad at iduku na nyamu ing buntuk na?”
“E ku ibye ing bendisyun ku kaya !” nganang bigla ning katlu, i'Hermana Rufa. “Dapot. . .”
"Itanggi ku ing kakung bendisyun? Ita e ku daptan kapilan man!” nganang sinalabat ning matwang mapamakalulu, i’Kapitana Tinay. "Ing metung a Indu é na sukat sabyan yan... nung king bage aku balu ku nung nanu ing daptan ku.. . é ku balu. . . marahil ikamate ku... é ke... ay! tabalu...! Dyos ko! dapot e ku ne buring akit pasibayu... nanu naman ing king kaisipan yu, Kapitana Maria?”
“Babo ning sabla,” nganang tinuglung Hermana Rufa, "e yu kakalingwan king kasalanan a maragul ing bwatanan meng gamat ing metung a taung sagradu...!
"Lalung sagradu ing pamiparangal karing lagyu ding Ibpa!" nganang Kapitana Maria. “Ninu man, agyang ing Papa pa, lalu na pa i’Padre Damaso, ala yang matulid lapastangan king panalalang banal dili king tau."
"Tutu pin,” nganang bubulung Kapitana Tinay a magmulala king katalinuhan ding adwa. "Nu yu kakwanan yang rnayap yung pamagmatulid?”
“O makananu naman ing pangatabi king pisamban (excomunion) at ing pangabaldug king impyemus (condenacibn)?” ngana namang aling Rufa. "Nanu ing dangalan at ing maulagang lagyu king bye iti nung myatulan ta naman ketang aliwang bye? Ing sabla malag-
