ning masyas nang kamau. King sika’ning dugdug
mitwag ya't melitu ing pari.
Alang memilatan pablasang mebigla la at mcnga tilihan.
"Dumayu kayu,” nganang ginulisak Ibarra, at diklut ne ketang mesa ing metung a kutsilyung mataram kabang king metung nang bitis daramusaka'ne batal ing prayli a misusublyanan nang isip.
"Ing é bisang mate, e ya lalapit. ..!”
Ala yu king sarili na i’lbarra. Gagalgal ya katawan at ding mata na mamapi la king mwa. I’Padre Damaso migkapilit yang tinikdo dapot sikmal ne batal Ibarra at pengulug anggang é ya mengasayukut at mipasiklod.
"Ginung Ibarra. .. Ginung Ibarra. . .ngara ding mapilan.
Dapot metung man alang mengangas linapit, pati na ing alperes, uling akakit de ing kikislap a kutsilyu at uli nitang sikanan a binye ning pali nang buntuk. Alang mikimut metung man.
"Ikayu ken. .. ikayu mig-ala kong bulad. Ngeni aku naman ing mitutuk rnagsalita Anggang ating upaya pengilagan ke ini, dapot ing Dyos linapit ne kaku, inya ing Dyos yang matul...!”
Susunga ya i’lbarra dapot itang takde nang bakal sasakmala’neng maigpit ing magpiglas a pransiskanu.
"Panatag yang titibuk ing pusu ku at ing gamat ku é ya manginu.. At linawe no ring karin makapatulug. "Bayu ing sabla, kutnan da kayu. . . Atin kekayu metung mu man e malugud pengare? Atin kekayung masama king pengari at e yu ne buri mang agaganaka? Atin kekayung mibait king pusali at busal ning milalung kababan? Akakit mo? Tahimik la ring sabla ! Ngamu metung kang pekakatawa’ning Dyos ning kapayapan at ing kekang asbuk ngamu mitmu yang kabanalan at kasalpantayanan, dapot ing pusu mu lalapo yang karinatan inya ika e me balu flung nanu ya ing metung a Ibpa, nung ali aganaka me sana ing keka! Balu mo? Kareng dakal a atyu ngeni keti a kekang umisan, metung man alang anti ika...! Kanyan, miatulan ka!"
Ding atyu karin melinlangan la uling bala’ra makamate yang tau.
