naku. ..! Lon yu nyamu i'Padre Damaso, tataba ya
king alumwa’nang pamamalmura at pamamarug!”
At ketang penandit a ita daratang neman ing matabang Padre Damaso, makatiman ya, kanyang timan a balatkayu na ning dawak at kabud atiglapa'neng Ibarra miJako ya diwa king pamakipagsalita na.
Migmulala la king panyatang dapot pigayan deng matula subali mu i'lbarra. Magmayumu na la mu inyang datang ya at ing bula ning tsampan gagato pa karing kopa.
Itang tima’nang Padre Damaso misamutan karug inyang ikit neng makalukluk i’Maria Clara king dane nang wanan Ibarra. Linukluk ne man siping ning Alkalde at nganang kinutang libutad nitang katahimikan a ating buring sabyan :
"Atin kong pisasabyan, makamal. . .? Isundu yu...!”
“Minum ke sang bilang pamamye oras a mayap king Ginung Ibarra. Sasalita no ring migkalub saup king pagmalasakita’nang tangka at sasabya’ne ing arkitektu inyang ing kamalan yu. .
"Aku é ku byasang arkitektura,” nganang sinalabat Padre Damaso, “dapot kailyan ku la mu deng arkitektu at deng mangmang a manalig kareti. Oyta, aku ing gi nulis king planu na nyang pisamban a yan at oyan mitalakad yang matatag at matibe. Iti ya ing sinabi na kaku ning metung a Inglis a magtindang alahas a misan mekipaglayunan king kumbintu. Ing ninu mang maki dali mu lapad a kanwan makagulis yang planu.”
“Dapot,” nganing alkalde inyang é ya bubulad i'lbarra, “king pamipatalakad karing aliwang gusali, anti mo alimbawa ing pipagaralan a iti, kaylangan ya itang byasa kaniti.”
"Nanu tang byasang panyabyan mu,” nganang sinyo maki sunung Padre Damaso. "Itang mangaylangan king amanwan mung maki talino king bage iti ya itang alang utak! Kaministilan ing bwangis kang migit king indyu a byasang manalakad karing sariling bale na, nung yan mung pipagaralan a maki apat a dalig at tapangku babo, é me balung ipatalakad!” Ding sabla linawe re i'lbarra at bista'man menimutla
