yu naman kekami.... Ing kamala’na," nganing tukituking
kutang at pakisabi dapot marayu ne i'Kapitan
Tiago.
"Datang ya ing Kapitan Heneral at keta kang Kapitan Tiago karin ya pa tuknang!” ngara ding mapilan at d ra na genaka mang kasulu re i’Maria Clara-ng anak na at ing maging manuyang na.
"Mayap yang dili ing apili nang tuknangan!” nganang Ibarra. Ding kura milawayan la at ngara wari: "Ing Kapitan Heneral dinapat ne naman king pikabalwa'nang ugali at iti kamuran kekatamu. Sukat yang king kumbintu tuknang. . .” At bista’man ding sabla makanyan la naman a ukulan metung man alang bubulad.
"Napun pa asabj ra na kaku yan, dapot ing Kapitan Heneral é na pa linutas kanita ing panyatang na," nganing Alkalde.
"Balu yu, Ginung Alkalde, nung angga ya kapilan keti ing Kapitan Heneral?” nganang e mipayndatun ning alpdres.
"E ku balu ita. Ing Kayang Kamalan maburi yang tutung darapat king e tamu pyadyan. .
Ah! atin pang daratang a balita.”
Ing balita para king Alkalde, king Alperes at king Gobernadorsilyo dikil mu naman king panyatang ning Kapitan Heneral dapot ding prayli apagumasdan dang ala king kura.
"Potang las kwatru ning gatpanapun karin ya pa datang, ginu, inya malyari tapang mangan alang pangabala,” nganing Alkalde.
Iting belita ning Alkalde migit pa kanitang sinabi nang Leonidas karin Termdpilas inyang ngana: “Ngening bengi akasulu tayang mapun i’Pluton!”
Ing pamipagsalita migbalik king sadya.
"Balamu e ata tumagun keti ing pari tamung matalino magsermun,” nganang mikakunung mengamanu ning metung a empleadung e pa bitasang migsalita ibat nanding migmula ing pamangan.
Ding sablang makibalu king bye nang delanan ning pengari nang Ibarra mipakirut la at ing metung a kindat buri nang sabyan: "Mimingat ka uling pamagkamali mu mituran ka. ..” Dapot ding aliwang é bula-
