kung panamdam ating sisitsit kakung ing kakung
pamagsalupsupan ating katutwan, nung inya pinili ke ing
metung a lugal at ing mayap a penandit ba'rakong papangilagan,
at ketang lugal a nung nu ku sinabi kekayu
iti, o yu malyaring apangutnan. At ing sabla kaybat
niti ikit yu na ngan.”
Malambat yang migtahimik i’Elias at kataya man ala yang pekibat i'lbarra. Mimisip ya. "Panamdaman kung mete ya itang taung ita! ngana bandang tawli. "Kaya malyaring atin ku pang abalu!”
"Nung mebye ya miligtas ya king makapangaligkig nang hustisya ning ketawan. Inatula'ne ning Dyos, ing Dyos yang mekamate kayd, ing Dyos ya mu ing Ukum!"
Linawe ne sinaguling Ibarra itang taung minyabing makanyan at apagumasda’no ring bibilugi'nang takde a mipnung bukul at bugbug.
“Maniwala kayu naman king milagro?” nganang makatiman kinutang. “Lawan yu ing milagrung amanwa'ning balen!”
"Nung maniwala ku king milagru, e ku maniwala sana king Dyos; nung maniwala ku king taung gagawan dang dyus-dyusan, maniwala ku sana king ing tau ya ing linalang king Dyos at lerawa’neng kalupa na," nganang mekibat mipnung tetagan. "Dapot aku maniwala ku kayd at e mu misan dimdam ku ne ing gamat na. Inyang ing sabla mamuk malagpag at ing makapatulug king lugal malapit nang misalbag, aku, aku pinigil ke itang marok a tau, rnigbili ku king siping na. Ya mesugat ya at aku 6 ku ninanu balang.”
"Ikayu? King matulid a sabi, ikayu...?”
"Wa, aku pinigil ke inyang bisa yang tumakas, inyang arapat na na ing makamate nang tangka. Aku ikit ku ing marawak nang dapat. Inya ngaku kekayu, ing Dyos ya mu ing mamatul karing tau, Ya mu ing maki matulid sumuri king bye at ing ninu man ala yang matulid malili kaya! ”
"Dapot ikayu ngeni..
"Ali!” nganang sinalabat Elias uling aula’na ing buri nang sabyan Ibarra. "E na kalupa nita. Nung mg tau atula'nong mate ring aliwa o kaya sintanga’na
