Page:E-Mu-Ku-Tagkilan-Noli-Me-Tamgere-ni-Jose-Rizal.pdf/255

I'pilosopo Tasio a mimisip magumasid nganang bubulung: "Marahil kanyang aliwang aldo ing anggang darapta'na ngeni ning tau potang meluma na kaybat ning dakal a kapahamakan at melagpak king uli na ning naturalesa o uli ning manyira nang gamat ning tau, at babo na ning kasiran a yan tumubu la ring mangulate tanaman at ing lumut, kaybat potang ing panaun pepalangi no ring tanaman at ing lumut at ikwa nang melaso ba’nang isalbag ning angin at makalis na king bilunga'ning istorya ing katandanan kaniti at karing ginawa a malambat da nang kelingwan ding tau; potang ding lahi mitakpa'no o lumbug king balat ning gabun a nung inya mu matuklas iti uli na ning mikatagun a pamangulkul na ning piku a mamapi ngening tutud ya karing batung masyas kanita pamu mibuklat king kabubusala’ning batu ing myayaliwang lihim at bage makapamulala. Mekad ding matalino na niting lahi manuknangan keting lugal nung makananu lang magobra ngening salukuyan ding magdulap king mitagan a likwa'na ning metung a maragul a bansa a e inukul ditak man king yang bansang yan dasa’ne ning makabang bengi. Mekad ing metung a talaturung byasa sabya’na karing magaral nang maki lima o pitung banwa pamu twa king amanung ayntindyan da ring sablang tau: "Makamal, kaybat dang maingat mepagaral at mesyasat ding kasangkapan a metuklas lalam ning gabun a iti, kaybat dang mekilala ring mapilan a tanda at mebitasa ing kabaldugan da ring mapilan a amanu, malyari ta mung isipan alang kapikakunwan king deng lasip king madalumdum a panaun ning tau a marahil tamung awsan masakit paniwalan o ketang panau’ning kadwa nang dake ning yatu. Ban kanita, ginu, malyari kong mika dalerayan misip king matawli rang panyulung ding minuna kekatamu labis nang sabyan ku kekayu king ding tinuknang keli e mu ing e la kikilalang ari nune para lutasan da ing pisasabya’ ning karelang sariling kapamahalan kaylangan la pamung ume ketang kasumangid nang wakas ning yatu a nung makananung malyari tang sabyan king metung a katawan ba'yang mikimut kaylangan pamung ikutang na king buntuk nang atyu king kasumangid nang dake ning sikluban a ngeni mekad sasalikut da ring alun. Balamu e malyaring paniwalan ing anti kaniti

— 245 —