I'Pray Damaso migmula yang makakalale manyabi king maynang siwala.
“Et spiritum tuum bonum dedisti, qui doceret eos, et manna tuum non prohibuisti ab ore eorum, et aquam dedisti eis in siti." “At binye me karela ing mayap mung espiritu ban ituru na la at e mu leko ing kabyayan king karelang asbuk at dininan mong danum king karelang kau!”
"Amanung sinabi ning Ginu king kapamilata'ning asbuk nang Esdras, libro II, kapftulo IX, bersikulo 20.”
Ing Padre Sibyla linawe neng magmulala ing manaral; ing Padre Manuel Martin menimutla ya at inakmul na ing kayang wawa: ita mayap na kesa ketang kaya.
Malyaring ing Pray Damaso ikit na ita 6 malyaring payo ya mu, menguku yang mapilan ukdu at beba no ring adwang gamat king pasamanu ning banal a pulpitu, Ing Espiritu Santo atyu tulid nang buntuk, bayu pa mung milarawan: maputi, malinis, at ding bitis na at tuktuk kule lang rosas.
"Kakamalkamalan a Ginu (king Alkalde), pawang banal a pari, kristyanong kapatad kang Hesus!”
Keti memandal yang makabaldugan, linakad nong myuman ding kayang panlalawe karing makiramdam a nung kaninu pamakirandam at pamagtahimik metula
Ing minuna nang dake ning aral dapat yang king kastila at ing aliwa king tagalug loquebantur omnes linguas.(1)
(1) Manyabi la karing sablang amanu.
