- ng malugud mung kakaluguran a
- mumunang gamat keka,
- ING PEKAKATAWAN YU
- ng malugud mung kakaluguran a
San Diego, Nobyembre 11,
Yan ing sulat na ning pekakatawa’ning Pahayagan. Alben ta naman ngeni ing kalamna’ning sulat nang Capitan Martin king kakalugura'nang Luis Chiquito.
Mal kung Choy: Datang kang pupulayi keni nung agyu mu, ba’mung dasan pa ining pistang tutung masaya. Biru mung i’Capitan Joaquin malapit nyang mabangkarota. Mekatatlu ne dinoblang Capitan Tiago at kabira ning ipis tutud ya mekatatlu, inya pin i’Capitan Manuel, ing makibale, lalu yang papandak king tula na. I’Padre Damaso bilbal ne ing metung a suluging timbuk na pauli ning misan man e ya tinud angga ngeni. Ing Consul mesambut la ring manuk na king sabung at king monti mimin la ring simbut na kekami ketang pista Binang at karin king Pilar ning Santa Cruz.
Penaya nang ituki neng Capitan Tiago ing maging manuyang na, ing mabanding mimana king pibandya'nang Don Rafael, dapot balamu buri neng apusan ing pengari na uling e bitasang linto. Sayang na! Dapot e na na ke man asaupan dinatang ya man.
Ing intsik Carlos sasambut yang dakal king kayang liam-po. Magsalupsupan kung atin yang daraptan a makasalikut, marahil anting-anting, at madalas yang daraing masakit ing makaptas nang buntuk at potang ing gulung ning liam-po tutuknang neng makakalale, duruku ya at halus tura'ne ing gulung at balamu mo pagumasda’neng mayap. Mangasdan ku uling dakal ku balu king bage ini.
Adios, Choy. Ding kakung manuk masalese la at ing maki bale ku masaya ya at salukuyan yang maglimbang.
Ing kakaluguran mu,
- MARTIN ARISTORENAS
