Atlu nang aldo ing milabas manibat ketang milyari
ing abasa tang misalita na. Ing balen San Diego, lub
ning atlung aldo at atlung bengi miralan ala neng
depatan nune mu magsadya kayabe ning bulung-bulungan
king daratang a pista.
Kabang tinaptinapan da ing kasayahan a kamtan da king pista, ding mapilan kamwan de ing gobernadorcillo, ding aliwa naman ing tininti mayul, ding aliwa ilang bubuntunan da ring kayanakan da at ila ngan mipamalsala la.
Pisasabyan da ing panyatang nang Maria Clara uling king balen a ita kaluguran de. Abe neng datang i'Tya Isabel na. Nung makananu rang pagmulalan ing legwa’na, makanyan da namang pagmulalan ing pangayaliwa na ugaling Padre Salvi. Ngarang sasabi ring kosyang na: "Neng magmisa ya balamu ala king kaukula'na ing darapta'na. E na na katamu pakisabyan niadalas anti mo ing sadya at meyayat yang tutu at atin yang ating isipan. Ing kusinera man apagumasda' neng mangayayat at e na na pupuryan man ing kalutu na.” Dapot ing lalung pibubulungan ding memalen ila ring dakal a sulung makasindi king kumbintu kabang i’Padre Salvi daralo ya king aliwang tuknangan, ing bale nang Maria Clara! Mangurus la kanyan ding kosyang dapot sigi mu rin ing sitsirya ra.
I'Juan Crisostomo Ibarra pepalipad yang amanu, (telegrafiado) pupugaya’ne i’Tya Isabel, ing pangunaka'na dapot e na sasabyan ing sangkan nung baket e dinatang. Daka'la ring mimisip king mesukul ya pauli ning depata'na kang Padre Salvi ketang daun.
Dapot miragdag lalu ing sala-salita inyang king gatpanapu'ning katlung aldo ikit deng kinuldas king me-
