- Ing bye paninap mu.
Kalub nang Basilio, paid-paid yang miragsa karing takde nang Inang na.
Mengarimla ya mabilug a katawan i'Sisa inyang ikit neng dinatang dili na. Bisa yang magsalita dapot alang amanung lulwal; buri neng kaulan ing anak na dapot milako la sikanan ding takde na. Manangis? E malyari...!
Dapot king uli na nitang dayang dirilu king kanwa’nang Basilio ikwa nang ginulisak, kanyang gulisak a mamalitang mepatad ya ing metung nang uyat ning pusu...
“Oh! ding ana'ko...!”
“E ka tatakut, Inang,” nganang Basilio, I’Crispin melakwan ya mu king kumbintu.”
“King kumbintu...? Melakwan ya king kumbin tu? Mabye ya...?”
Tinas nong Basilio ring mata na at linawe ne i’lnang na.
Kanita mibawi ya i'Sisa at metula yang e mu nanu. Menangis ya, kinaul ne ing anak na at pinulis ne karing mapali nang uma itang daraya nang kanwan.
"I’Crispin mabye ya ...! At likwan me king kumbintu... O ba’t naman mesugat ka, anak ku.. .? Menabu ka...?”
Sinyasat neng mayap.
“Inyang tiki ne ning mayul i'Crispin, sinabi na kakung e ku myuli nune pamu itang a las diez at anti ning malalam nang bengi, tinakas ku. King kabalenan,
pigsinwan daku (quien vive) ring sundalus. Milayi
