nabaknang, nasayaat unay ti pannakataripatoda ket silulukatda
kadagiti amin a tattao a Jardin Botániko kadagiti sabsabali a
dagdaga a paiturturayan. Ni Ibarra insinana dagiti matmatana,
kimmita iti makanawan ket sadiay inna nakita ti daan a Manila,
a linawlaw pay lacng ti bakodna a kabiti ken ti sinan waig iti
baba, a kas la maysa a balasang a makurkurangan iti dara, a sike-
kebbet kadagiti kawkawes daydi apona a baket idi kasayaat
dagiti al-aldawna.
Ti pannakakitana iti ta-aw nga agpukaw idiay adayo!... ¡Idiay baliw na, isu ti yan ti Europa! Kunkuna daydi bumaro; ¡ti Europa ken dagiti napintas a pagpagarianna a kankanayunda nga aggargaraw, mangsapsapol ken nam-ay, agdar- darepdep iti kanayon a bigat ket no lumnek ti initen, inda man mapnekan ti inda pannakaallilaw . . . ti Europa a sigagasat iti let-ang dagiti laklak-amenna a rigrigat! Wen, idiay baliw ti mangliwengliweng a taaw a iso ti yan dagiti pagpagarian a naayat iti maipapan iti kararua, numan pay dida baybay-an ti bagi, adadda pay ti panangilalada iti maipapan iti kararua ngem dagiti pagpagarian nga agkunkuna a pagrukbabanda ti kararua...
Ngem dagitoy a panpanunot nagpukawda iti nakemna apa- man a nakitana ti bassit a turod iti tay-ak ti Bagumbayan. Ti bassit a turod, a naiwaywayas, iti abay ti Luneta, iso ita ti kit- kitaenna ket iso ti mamagpanunot kenkuana.
Inna malaglagip daydi tao a nanglukat kadagiti matmata, ti isipna, daydi nangipaawat kenkuana iti naimbag ken nalinteg. Dagiti panpanunot a intukitna kenkuana bassitda, wen, ngem. saan da nga ubbaw a maul-ulit: panpanunotda a pudpudno a kapkapnekan a dida ket kimmudrep iti abay dagiti kadadaklan a silsilaw ti Irarang-ay. Daydi a tao, maysa a lakay a padi, ket dagiti sasao a binalikasna idi nagpakada kenkuana, umaw-aweng da pay laeng kadagiti laplapayagna. "Dika liplipatan a no ti sursuro, kukua dagiti amin a tattao, dagiti laeng addaan puso ti makabalin nga agtawid kenkuana", kinunana idi nga inpalagip kenkuana. "Inkagumaanko nga inted kenka ti inawat ko kada- gidi nangisursuro kaniak; daydi a gameng inkagumaanko a nina- yunan iti ingga ti nabaelak, ket itedko met kadagiti sumarsaruno kaniak: kastanto met ti aramidmo kadagiti sumarsaruno ken- ka, ket mabalinmo pay a pagpitluen, ta inka ket ngarod kadagiti
(6) Awanen daydi a turod, nasibugan iti lua ken dara dagidi tallo a po-padi a diningpil dagiti praile idi 1872.
