a maikuykuyog kadagiti un-unnoy ti angin, saanda a simmardeng, ngem ti Nakaparsuaán kan dagiti tattao saanda a dimngeg; ni Apo Mugna nailinged ket awan inna mangngeg.
Iti sumuno nga aldaw, idi ta nawaknitanen ti langit kadagiti nangisit a ul-ulep, ket ti init rimmaniag manen iti let-ang ti nadalusan a tangatang, adda maysa a lugan a nagsardeng iti ruangan ti konbento ti Santa Clara, ket adda dimsaag a maysa a lalaki, a nagpakaámmo a pannakabagi ti Turay, ket dinawatna a makisao a dagos iti Abadesa ket kitaenna amin dagiti momonja.
Kunada nga adda nagparang a maysa a monja a sibabasa ket amin ti abitona napirgipirgis, iso a nagpakpakaasi a si-sasangit iti panangigaga kenkuana daydi tao kadagiti kinkinadakes ti kinamanaginsisingpet ket indarum dagiti nakakigkigtot a ma-ár-aramid iti uneg ti konbento. Saritaénda pay a daydi a monja, nalibnos unay, dagiti matmatana isuda kano ti kasayaatan ken kaimnasan a nakita, iti kaanoman.
Ti pannakabagi ti Turay dina inaklon; nakisarita iti Abadesa, ket inna pinanawan daydi monja, nupay kasano dagidi ar-araraw ken sangsangitna. Daydi ubing a monja nakitana a nagrikep ti ruangan idi nakalikod daydi tao, a kas ngata piman panagkita ti maysa a nadusaán iti panagrikep kenkuana dagiti ruruangan ti langit, no kasta ti langit agbalin no maminsan a naranggas unay ken di masnaayan a kas kadagiti tattao. Ti Abadesa kinunana nga agmauyong daydi a monja.
Daydi tao dina ngata ammo a sadi Manila, adda balay a naipudi a pagyanan dagiti agmauyong, wenno nalabit inpagarupna a ti konbento dagiti momonja, maysa laeng a pagipupukan kadagiti agmauyong, nupay kunada a daydi a tao awan ammona, nangruna iti maipapan iti panagilasin no ti maysa a tao, agmauyong wenno saan.
Saritaenda pay a ni Jeneral, apo ]. . . sabali ti namanunutanna idi dimmanon kadagiti laplapayagna ti naaramid; kinayatna nga inggaga daydi agmauyong ket dinawatna nga inda koma ited.
Ngem idi, awanen nagparang a nalibnos ken nakaay-ay-ayawanen saranay a balasang, ket ti Abadesa saanna nga inpalubu-
