maymaysa Na (monoteismo), banag toy a uray kaano man dina
naawatan. Sadiay, adda makita a ladawan ti Sagrada Pamilia a
marpil dagiti ruprupa, im-ima ken saksakada; sarming dagiti
matmata da; atitiddag dagiti kurkurimatmat da; ket kulot a luma-
baga dagiti bubuokda, pataod ti laing dagiti eskultor a taga
Santa Cruz. Dagiti kukuadro a naipinta iti al-oleo, nga aramid
dagiti pumipinta a taga Pako ken Ermita, ipakitada dagiti pan-
nakamarmartir dagiti sasanto, dagiti milmilagro ni Apo Birjen,
ken dadduma pay; adda Santa Lucía a tumangtangad sadi langit
a siiggem iti maysa a pinggan a yan ti dua bukel a mata nga adda
kurimatmat ken kidayda, a kas kadagiti makitkita a maipinpinta
kadagiti triangulo ti Trinidad, wenno kadagiti nagitamtamnan
da sadi Ejipto; sadi San Pascual Baylón, adda San Antonio de
Padua a nagabito iti ginggon, a buybuyaenna a makasangsangit
ti maysa a Ninio Jesus a naaruatan iti kawes ti Kapitan Jeneral,
ket nagkallugong iti tallo ti saw-it na, nagsable ket nagbotas a
kas kadagiti makitkita kadagiti pagsasalaan dagiti ububbing
sadi Madrid: toy kayuluganna ken Kapitan Tiago nga uray ina-
yon pay ti Dios iti pannakabalin Na ti pannakabalin ti maysa
a Kapitan Jeneral ti Pilipinas, kanayunto laeng nga abalbalayen
dagiti pransiskano a kas la maysa a sinantatao. Adda pay makita
a maysa a San Antonio Abad, nga adda baboy iti sikigan na,
baboy a iti daytoy naimbag a Kapitan, milagroso met a kas ti
santo, ket iso ti gapona a dina maitured a naganen iti baboy.
no di ket taraken ni Santo Senior San Antonio; adda pay maysa
a San Francisco de Asis a nagpayak iti pito ket nagabito iti kas-
la kita ti kapé, a naikabil iti ngatuen ti maysa a San Vicente a
duddua dagiti paypayak na, ngem ket di adda tururotna; adda
pay maysa a San Pedro Mártir a ti ulo na pinisi ti talibong ti
maysa a birkog, talibong a iniggaman ti maysa a saan a kristiano
a sipaparintumeng, iti abay ti maysa a San Pedro, iso a nangisina
iti lapayag ti maysa a moro, ni Malko, awan duadua, iso a kina-
gatna dagiti bibbibigna ket uray la nga agtirtiritir iti sakit, ket
adda met maysa a kawitan a ipallot nga agtartaraok ken agpay-
payakyak iti rabaw ti maysa a singit, iso a pagkunaan ni Kapitan
Tiago nga iti agsanto, pada na met laeng ti mangbeltak wenno
mabeltak. ¿Asinno ti makaibaga iti daydi umariwekwek ti kaado
a ladladawan ken makaibuksil kadagiti kabkababalin ken im-
imbag nga adda sadiay a maik-ikutan? ¡Saan a umanay ti maysa
