dina ilaw-lawag a inaganan, maysa a milagro, ta iti kababalin- na, mabalin a mauray amin. Siak idi, pattapattaekon a iti ma- biit wenno iti magabay, dakes ti pagbanagan daydi.
Daydi lakay a teniente nagsardeng man bassiten.
--Kadagidi nga al-aldaw, adda nga agsursursor iti probin siayo ti maysa a nagartilierro nga inikkatda gapo iti naglabes a kinanuangna ken kinaawan ti ammona. Gapo ta daydi a tao masapulna ti agbiag ket di met ngad mapalugudan a mangaramat iti bagina nga agbannog, ta iti kasta, mabalin a madadael ti kinangato ken ti dayawmi a kakastila, nagun-udna, diak ammo no asinno ti nangikabil ti saad nga agsingsingir iti buis dagiti lug- lugan. Daydi dak sanggasat awan ammona, ta di met nagadal, ket dagiti indio iti nabiit nadlawda; kadakuada, maysa a dat- datlag ti maysa a kastila a dina ammo ti agbasa ken agsurat. Kanayon la nga inda pagang-angawan daydi awanan gasat, a ba- yadanna iti inna pannakaibabain ti singirenna a buis, ket ammu- na nga iso ti inda katkatawaan, iso a mangdegdeg iti kinaalsem ti kababalinna, a kasisigodna la ngaruden a nagubal ken dakes. Gaggagaraenda a baliktaden dagiti pappapel a itedda kenkuana; iso aginbabasa met, ket ti makitana nga awan suratna, inna pir- mannen ti kas la kinaraykay ti manok, iso a mangipadlaw ken- kuana. Dagiti indio agbayadda, ngem agkakatawada; iso tilmu- nenna ti katayna, ngem makasingir, ket iti daytoy a kasasaad ti nakem, awan siasino man a dayawenna, ket naminsan, nakisin- nungbat iti daydi dakkel yo.
Naminsan nga aldaw, naaramid a idinto ta balbaliktadenna ti maysa a papel a iatedda kenkuana iti maysa a paglakuan, gapo ta kasna kayat a lintegen, maysa nga ubing nga agad-adal inna inpatpatuldo kadagiti kakaduana, kinatkatawa-anna, sana intu- dutudo. Daydi tao nangngegna dagiti katkatawa ket nakitana pay ti la-aw a kasla mangrugi a maipadlaw kadagiti natalna a ruprupa dagiti sisasaklang; napukawna ti anosna, nagbaliktad iti nakaparpardas ket kinamatna dagidi ububbing a nagtataray a nangipukpukkaw iti ba, be, bi, bo, bu. Nabulsekan iti pungtot. ket gapo ta din ida makamatan, inpalapalna kadakuada ti sarukodna, ket maysa kadagidi ububbing nadanar ti ulo- na ket natuang; iti kasta, tinarayna a dinanon, inbaddebad- dekna, ket awan ti uray la no maysa kadagiti sisasaklang a na- ngatkatawa kenkuana, ti nakaitured a nanganawa. Dakes a gasat
