—¡Adda a sididiaya patente kadagiti matmata yo! —kinuna
daydi espíritu na nanipod iti baba.
—¡"Adda a sididiaya patente kadagiti matmata yo ti pamaneknek a nabileg ken napigsa itoy agnanayon a pudno ti Pilosopía! Adda a sididiaya patente dayta init ti kinasingpet, ket kunak init ket saan a bulan, ta awan unay gundawayna ti panagraniag ti bulan iti bayat ti rabii: iti daga dagui bulbulsek, ti busa iso ti ari; iti rabii mabalinna ti rumaniag ti maysa a silaw, ti maysa a bituen a bassit: ti kadaklan a gundaway iso ti pannakabalin nga agraniag uray iti tengnga ti aldaw, kas ti init: kasta ti panagraniag ni kabsat a Diego uray iti yan dagiti kadadaklan a sasanto! !Addayta a sididiaya (patente) kadagiti matmatayo, iti dakes a diyo pammatpati ti naipangruna nga aramid ti Kangatuan, tapno makulkol dagiti dadakkel ditoy daga, wen, kakabsat ko, sididiaya, patente, patent kadakay amin, patente."
Maysa a lalaki ti timmakder a sibebessag ken sipipigerger ket napan naglemmeng iti uneg ti maysa a konpesonario. Maysa gayam nga aglaklako iti arak, nga agsusugel ket inna pinarparmata a dagiti karabinero sapulenda ti patente1 nga awan kenkuana. Ipaneknekda a saan a rimuar iti naglemmenganna inggana iti di nalpas ti sermon.
—"Napakumbaba ken naulimek a santo, ti krus mo a kayo" —(pirak ti krus a igiggaman ti ladawan), —"ti nakurapay nga abitom idaydayawda ni naindaklan a Francisco nga akin-anak kadatayo ken intay pagtuladan! Dakami inkam iwaras ti santo a kapututan iti amin ti lubong, kadagiti amin a sulsuli, kadagiti pagpagilian a dadakkel, kadagiti il-ili, a dikam ket paggigidiaten ti puraw ken ti pugot"— (ti Alkalde insardengna ti immanges) — "nga aglaklak-am ti bisin ken rigat, ti santo a kapututan iti pammati ken iti relijion a siigam" (!A! inyanges ti Alkalde) — "a mangam-ampayag iti lubong ken mangtengtengngel kenkuana tapno saan a matnag iti derraas a inna pakapukawan."
Dagiti agdengdengngeg, pati pay ni Kapitan Tiago, agsuysuyaabda sagbabassiten. Ni María Clara saanna a dengdenggen ti sermon; ammuna a ni Ibarra adda iti asidegna ket iso ti inna panpanunuten, idi ta inna met kitkitaen, nga agpaypaypay, ti toro ti
________________
1 Idi agturay dagiti kakastila, patents kunada iti pakakitaan iti pannakabayad ti buis a rebbeng a bayadan ti aglako iti arak, wenno sabali.
