- Tunggal maysa saritaenna
- ti rambak, kas panagriknana.
Gapo ta awan nasken a naaramid kadagiti intay sarsaritaen a tattao, uray iti rabii ti bispera, uray iti sumuno nga aldaw, siayatkam kuma a mangbaktawen a manarita iti naaramid iti maudi nga aldaw, no dikam kuma pagarupen a nalabit ti ganggannaet a makabasa itoy inna tarigagayan a maammuan no kasano ti panangrambak dagiti pilipino kadagiti pipiestada. Iti kasta, ngarod, inkam ilanad, nga awan surok ken kurangna, dagiti nadumaduma a sursurat, maysa kadakuada, surat ti pannakabagi ti maysa a nadeggang ken naipadpaduma a pagiwarnak sadi Manila, a pagraeman gapo iti nasayaat ken nangato a kinaigetna. nangato a kinaigetna. Dagiti agbasbasa inda kuma tarimaanen dagiti sumagmamano a saan a nasken ken kadawyan a rirrirona.
Ti maikari a pannakabagi ti natakneng a pagiwarnak kastoy ti inna insurat:
"Apo Mangiturong . . .
"Idaddadumak a gayyem: Uray kaano man diak pay nakaimatang, ket diak met urayen a makakitaak pay kadagiti probprobinsia iti rambak ti simbaan a napalalo nagñgayed, nagsayaat ken makatignay iti puso a kas ti rambakan iti daytoy nga aldaw dagiti M.M.R.R. ken nasisingpet a P.P. Pransiskanos.¹
"Ado unay dagiti timmabuno: ditoy ti nakaigasatak a nangkablaaw kadagiti istay iso amin dagiti kakastila, nga agindeg ditoy a probinsia, tallo a R.R. P.P. Agustinos a kukura sadi Batangas, dua a R.R. P.P. Dominikos, maysa kadakuada a ni M. R. P. Fr. Hernando de la Sibyla nga immayna pinadayawan toy a ili iti kaaddana, iso nga uray inton kaano saan a rebbeng a lipaten dagiti
____________________
1MM RR. PP.— basaen a Muy Reberendos Padres (Pagreeman unay a papadi.) Iti sabali a paset ti pagbasaan ni Dr. Rizal, kunana a dagita a letletra (M.R.P.) mabalinda a yulog a Muy Rico Propietario (Nabaknang Unay nga Agtaguikua.)
