grama a naited ken anakna a Sinang a ni Ibarra ammunan a inabakna ti ringgorda, ket gapo ta dina met kayat ti paatiw iti kinaimbag ti nakem, inna ipappapilit a saan a matultuloy ti nagnumuanda idi nagay-ayamda iti ajedres. Ngem gapo ta madi met ni
Ibarra, ni Kapitan Basilio inna inggayat a ti pirak a pagbayadna
kuma iti kostas, maibayad iti maysa a mangisuro iti mapatpatakder
a pagadalan. Kas banag toy, daydi bumibitla inna aramaten ti
laingna a sumao tapno dagiti sabsabali a karingringgorna inda met
baybay-an dagiti ringringgorda, ket kunkunana kadakuada:
—¡Patiendak; kadagiti ringringgor, ti mangabak mabati nga awan badona!
Ngem awan maparukmana, nupay inna ibagabaga dagidi romano.
Idi nalpasda a nagsokolate, dagiti agtutubo inda dinengngeg ti piano a tinugtog ti organista ti simbaán.
—No mangngegko nga agtugtog iti simbaan,—kinuna ni Sinang, a intuduna, —makasalsalaak; ita, ta agtugtog ta piano, kayatko ti aglualo. Iso ti gapona nga umayak kumuyog kadakayo.
—¿Kayatyo ti umay makikuyog kadakami no rabii?—sinaludsod ni Kapitan Basilio nga inyarasaas ken Ibarra idi agpakada; ni Padre Dámaso mangikabil iti bassit a bangka.
Ni Ibarra immisem ket ti sungbatna, inna pinagkuti ti ulona a kasla wen, kas la saan, ti kinayatna nga inbaga.
—¿Asinno dayta?—sinaludsod ni María Clara ken Victoria, nga inturungna iti napardas dagiti matmatana ti maysa a bumaro a sumursurot kadakuada.
—Ni dayta . . . ni dayta, kasinsin ko,—insungbatna a kas la immalikaka.
—¿Ket dayta maysa?
—Dayta, saan ko a kasinsin,—insungbat a sidadaras ni Sinang —anak ni ikit ko.
Limmabasda iti sango ti konbento, a pudno a di met maatiw iti garaw. Ni Sinang dina nagawidan ti siddaawna idi nakitana a sumsumged dagiti pagsilsilawan, dagidi pagsilsilawan a daan unay ti kita dan, a ni Padre Salvi dina paseggedan kaano man tapno di pay iso a pagibusanna iti segden. Addada mangngeg a pukpukkaw ken naaweng a pagpagaak, addada makita a praile nga agpagnapagna iti nainayad a ikumkumpasda a pagkutikutien dagiti ul-ulo da ken dagiti dadakkel a tabtabako nga ang-angñgabanda.
Dagiti saan a papadi nga adda sadiay, inda met ikalkalikagom a
