pagne, likor, arak ken makmakan a naggapo sadi Europa, nga apamanto la ta inda maramanan iti uray la no sangkakammet wenno sangkatilmon. Ti lamisaan da a panganan nangayed unay ti pannakaisaganana.
Iti tengnga toy a lamisaan, adda maysa a sinan-pinia a dakkel, aramid ti ima, nasayaat unay ti pannakatuladna, iso a nakaikabilan dagiti paging-iñgat, a inaramid a kasta unay sayaat dagiti balbalod, no inda agin-inana. Adda sinan-paypay, adda kas la nareppet a sabsabong, adda sinan-tumaytayab, sinan-sabong, sinan-bulong ti niog, ana-aw wenno bua, wenno sinan-kawar, maymaysa a gupugop a kayo ti nakaaramidanda: ti nagaramid, maysa nga artista a napilpilit, ti pinagaramidna, maysa nga imuko a dakes, ket ti paltiingna, ti timek ti bastonero. Iti abay toy a sinan-pinia a naganenda iti paliliera, addada a nabunton iti nakabaybayog kadagiti pagikabkabilan a sarsarming, dagiti bungbunga, kas sua, lansones, atis, chiko ken mangga, numan pay bulan ti Nobiembren. Sa, kadagiti dadakkel a patpatilambo a naarpawan iti papel a naabutabutan ken napintaan iti narimat a kolor adda naikabil a jamón sadi Europa, sadi China, maysa a dakkel a pastel a nagsinan-Agnus Dei wenno nagsinan-kalapati, ti Espíritu Santo nalabit, relieno a pabo, kdmpy, ket naibabaet kadagitoy, addada dagiti pangawis iti naimas a pannangan, a pinarasko nga achara, a nakatartaraki ti pannakaur-nosda, a sabong ti bua ken sabsabali pay a natnateng ken bungbunga, a nakasaysayaat ti pannakagalipda ket naidekketda iti almibar kadagiti gargarrapon.
Dagiti golglobo a sarming a nagtawintawidan dagiti am-amma kada an-annak, inda madalusan; mapasilap dagiti basbasikawda a gambang; maikkat dagiti nalabaga a supsupot dagiti pagsilsilawan a petróleo ti segden da, supsupot a mangigaga kadakuada kadagiti ñgilñgilaw ken lamlamok iti bayat ti tawen ken mamagbalin ka dakuada nga awanan pagpapa-ayan dagiti al-almendras kada bitin-bitin a sarming nga ado ti rupada maipalpallayugda, agtutupada nga agkilli-ing iti nakaim-imas, agdaniwda, kasda la rumaman met iti rambak, maragsakanda ket inda man warawaraen ti silaw a daytay inda yandap kadagiti puraw a diddiding amin dagiti marmaris ti bullalayaw. Dagiti ububbing aggaayamda, agraragsakda, inda kamaten a tiliwen dagiti makitada nga agandap ken sumileng, agsasangduda, makabuungda, iti tubo, ngem toy saan a
— 204 —
