Ni Fr. Damaso, a napnuan sidda-aw, istay naibbatanna ti tagayan (kopita). Napamayeng ket kinitana a nalaing daydi bumaro ket.
—¿Ania? Ania? —kinunana, a sipupunno iti siddaaw. — Ngcm,¿ mabalin a di ka makita dayta, a nakalawlawag a kas ti silaw? Di ka makita, anak ti Dios, nga amin dagitoy ipaneknekda a silalawag a dagiti pamaspasayaat a iruruar dagiti minministro saan da a naimbag?
Ita, daydi met ulandes ti napamayeng; ti teniente adadda manen a pinagkuribetbetna dagiti kidkidayna; daydi bassit a lalaki pinagkutina ti ulo na a kas na la itay paneknekan, kas la saan met, dagiti sasao ni Fr. Damaso. Daydi dominiko istay tinallikudanna ida amin.
—¿Patienyo a... ? —ti saludsod idi agangayen, a daydi bumaro a sipapanunot, ket miningminganna a napnuan gagar daydi praile.
—!No patiek! ¡Patiek a kas pammatik iti Ebanjelio! Ti indio, napalalo a nagsadot!
—¡A! pammakawananyo ta tubngenkayo, —kinuna daydi bu maro nga inin-inayadna ti timekna ket inyadanina pay bassit ti tugawna; — bimmalikas kay iti maysa a sao a nangriing iti gagar ko. Agpayso nga adda a naikasigod dayta a kinasadot ka dagiti nayanak ditoy, wenno maaramid ti saritaen ti maysa nga agbanbanyaga a taga sabali a daga, a kunana a dayta a sao tayo, pangkalubtay laeng iti kinasadot tayo, iti pannakaudi tayo ken iti pamayan tayo kadagiti dagdaga nga iturayantayo? Saritaenna dagiti sabsabali a dagdaga a paiturturayan, a dagiti umili ka dakuada. kapulpuli dagiti taga ditoy . . .
—¡Ni! ¡Apay! Saludsudem ken apo Laruja, iso a makaamammo met itoy a daga, saludsudem kenkuana no ti kinakuneng ken ti kinasadot ti indio adda kapadada!
— Pudno; — insungbat daydi bassit a lalaki, nga iso ti nadutukan — uray adinno a disso ditoy lubong, saan kay a makasarak iti nasadsadot ngem ti indio. juray adinno a disso ditoy lubong!
— Kasta met nga awanen kadadaksan ken kaguguliban!
—¡Wenno kadadaksan iti sursuro!
Daydi bumaro a nalabaga rinugyanna ti kimmita a sidadanag iti amin a di mangan-ano.
— Appo, — kinunana a si-inayad — kunak ngata nga addatayo iti balay ti maysa nga indio. Dagita a babbalasang . . .
