!A! ti pirak . . .
!Saanmo nga iliblibak ta dakdakesto kcnka! —innayon daydi maysa. —Immaykam a umay mangtiliw kadagiti annak mo kct tay inauna innakam intarayan; Padinno ti nangilemmcngam itay inaudi?
Idi nangngcg ni Sisa toy, immanges.
—!Apo! —insungbatna, —nabayag a diak nakitan ni anakko a Crispin; ninamnamak a makita itay bigat idiay konbcnto, ngem sadiay, isuna la a nasauda kaniak a. ..
Dagidi dua a sosoldado nagkinnitada iti adda kayatna a sawen.
—!Ala wen! —kinuna ti maysa kadakuada; —itedmo kadakam ti pirak ket baybay-andakanto.
—!Apo! —inyasog daydi daksanggasat a babai; —dagiti annak ko saan da nga agtakaw uray no mabisinda: naruamkamin nga agiturtured iti bisin. Ni Basilio awan intedna kaniak a uray la no maysa a siping; sukainanyo amin ti balay mi ket no adda masarakanyo nga uray maymaysa a sikapat, aramidenyo ti kayat yo kadakami. !Dakam a marigrigat saan kam nga agtaktakaw amin!
—No kasta, —insungbat daydi soldado a sibabannayat ket inperrengna dagiti matmatana kadagiti matmata ni Sisa, —kumuyugka kadakami; dagiti annakmo makaammudanto a lumgak ken mangiruar iti pirak a tinakawda. ISumurutka kadakami!
. ?Siak?... eSumurutak kadakayo? —indayamudom daydi babai, a simmanod ket kinitana a sikikigtot ti aruaten dagiti so soldado.
—?Ket apay a saan? —!A! !maasikay kad kaniak!—inyasugna kadakuada, nga istay la nagparintumeng. —Napanglawak unay, awan balitok wenno alajas a mabalinko kadakay a ited; ti kakaisuna nga adda ka niak innalayon: dayta manok a rantak kuma nga ilako . . . alaenyo kad amin a makitayo iti abongko, ngem bay-andak kadi ditoy a sitatalna, bay-andak kad la a matay dituyen!
—!Sulong! umayka, ket no dimo kayat ti sumurot, reppetendaka.
Ni Sisa nagsangit iti napait. Dagidi a tattao saan da a mapalukma.
