Magmagna a dina ammo ti turungen na,
Agtaytayab a dina ammo ti batayan na,
Awan man piman inana na
Nga uray apagbiit la kuma
(Alaejos)
Ni Sisá nagtartaray a napan balayda a nakussukusso dagiti panpanunot iti ulona, a kas itay maaramid kadatao no daytay umapay ni dakes a gasat ket awan la ti inna kadatao manaranay ket ni pay inanama inna tay panawan. Iso tay kasla agsipnget amin iti lawlawtayo, ket no adda intay makita nga apagapaman a silaw a rumaniag iti adayo, tumaraytay nga agturong kenkuana, intay kamaten uray adda derra-as iti ngalay ti dalan.
Daydi ina kayatna nga ispalen dagiti annakna, kasano? Dagiti inna saanda a saludsuden dagiti pampamayan no dagiti annakda ti gapona.
Tumartaray a sipapardas, kamkamaten da buteng ken nakakigkigtot a parparikna. ?Binaludda ngatan ni anakna a Basilio? PAdinno ngata ti nagtartarayan ti anakna a Crispin?
Iti asideg ti balayna, nasaripatpatanna dagiti ^apasctc ti dua a soldado iti ngatuen ti alad ti minuyunganna. Saan a masao ti napasamak iti uneg ti pusona: nalipatanna amin a di manganano. Iso dina piman pagduadua-an ti nalabes a kinatured dagidi a tattao, a dida pay pagraeman uray dagiti kababaknangan iti ili; dania ngata ti maaramid ita kadakuada nga aggi-ina, ita ta naidarumda a nagtakaw? Dagiti sibil saan da a tao; sibil da laeng: saan da a dumngeg iti asug ket naruamda a makakitkita iti lua.
Ni Sisa, a dina ket napupuutan, intangadna dagiti matmatana sadi langit, ket ti langit piman inna inisman iti kasta unay
