Dagiti tantanabutob ken ik-ikkis a nagtaod kadagiti amin a sulsuli ti siled naminpinsan a linemmesda ti timekna; daydi, saan en a sabali no di maysa a kibor.
-Saan!-inpukkaw ti maysa a konserbador a di mabalusing. sing;--diak kayat a iso ti maidaydayaw a nangaramid iti piesta, saan! ¡Pagsawendak, pagsawendak!
Inallilawnatay ni don Filipo! kunkuna dagiti liberal. ¡Kanniwasentayto no intay agbutos! ¡Nakitipunen kadagiti lalla- kay! ¡Supiatentayo!
Ti gobernadorsilio, nga awan pay kasdi a pannakapulkok na, dina met urnusen ida a pagsardengen: ur-urayenna nga isuda met la ti mamagsardeng kadagiti bagbagida.
Ti Kapitan dagiti kuadriliero dinawatna a sumao; inpalu- busda, ngem dina met biningngi ti ngiwatna ket nagtugaw man met langen a dina ammo ti kukuenna ket kasta unay a bainna.
Naimbag ket di ta timmakder ni Kapitan Valentin, daydi kai- nayadan kadagiti konserbador, ket kinunana:
--Dimi mabalin nga annuguten ti gakat ti teniente mayor, ta iti panangipapanmi, nalabes unay. Dagiti ado unay a palpaltog ken ado unay a rabrabii a komkomedia, dagiti la ububbing ti aga- yat, a kas ti teniente mayor, iso a makaibtor nga agpuyat iti ado a rabii ken dumngeg iti ado a paltog a saan nga agtuleng. Nakiu- manak kadagiti manakem a tattao, ket isuda amin dida kayat nga annamungan ti gakat ni don Filipo. Saan a kasta, appo?
Wen! wen! kinuna a naggigiddan dagiti agtutubo ken dagiti lallakay. Dagiti agtutubo, kasta unay a ragsak da a nakang- ngeg iti kasdi a panagsao ti maysa a a lakay.
-An-anuentay ti uppat a ermano mayor? -intuloy daydi la- kay -Ania ti kayat a sawen dagita manmanok, kapkapon kada inasar a burburias a intay itapuak iti danaw? !Kinajambog! ku- nanto dagiti kadkadarapat tayo, sa tayto di mangmangan iti bayat ti gudua ti tawen. Ania ti bibiang tayo ken Sila ken kadagiti romano? Inawisdatay kadi aya iti naminsan kadagiti pipiestada? Siak, awan inaw-awatko nga awis da ket lakayakon, wen!
-Dagiti romano addada sadi Roma a yan ti Papa! -inya- rasaas ni Kapitan Basilio.
-Ita, maawatakon! -kinuna daydi lakay a saan a nagkir-ing. Nalabit a bijilia no agpiestada, ket iso ti gapona ngata a ti Papa
