Nagulimekda amin a inda dinayaw ti nauneg a kinasirib ti
maestro ket inda met kinabuteng ti makuna dagiti ermano tersero.
Daydi lalaki, ta nakaayat iti kasdi a tuddio, binaliwanna ti timek
na ket intuluyna ti nagsao:
—Ngannganinatay paayabanen ni apo kura. Intay ibaga ken kuana no asinno ti pilientayo nga agsermon kadagiti tallo nga inbagana idi kalman: no ni Padre Damaso, wenno ni Padre Martin, wenno ti koadjutor. Diak ammo no pimmilin dagiti tersero; masapol a tinungentayo.
—Ti koadjutor... —indayamudom a sibubuteng ni Juana. —¡lm! ¡Ti koadjutor dina ammo ti agsermon! —kinuna ni Sipa; —nalalaing ni Padre Martin. —d’Ni Padre Martin? —kinuna ti maysa a silalais; —awan timekna, nalalaing ni Padre Damaso.
—¡Dayta, iso dayta! —kinuna ni Rufa. —[Ni Padre Damaso, iso ti ammona ti agsermon, kasla agkomedia, iso!
—¡Ngem dimi maaw-awatan! —indayamudom ni Juana.
—¡Gapo ta nauneg unay! ket no la ket nalaing a sumermon. . .
Iti daydi, dimteng ni Sisa, a nagawit iti laga, nangted iti naimbag a bigat kadagiti babbai ket immuli iti agdan. —¡lmmuli ni daydiay! ¡umulitay met! —kinunada.
Ni Sisa nariknana a napigsa ti gutok-gutok ti pusona, idi ta umul-uli; saannn nga ammo no ania ti inna ibaga iti kura a pamedped iti pungtotna ken no ania ti inna pangikalintegan iti anakna. Iti daydi a bigat, idi damo nga agbettak ti lawag, immulugen iti minuyungan a napan nagala kadagiti kalalapsatan a natnateng, a inna inkabil iti laga a binaetbactan iti bulong ti saba ken sabsabong. Napan iti igid ti karayan a nagsapol iti pako, nga ammuna a maayayatan unay ti kura no maensalada. Inyaruatna ti kasayaatan a pagan-anay na, inawitna ti laga na, a dina ket riniing ti anak na, ket napan iti ili.
Iti inna panangikagumaan a saan nga agarimpadek iti uray la no apagapaman, nagin-inayad a immuli iti agdan, a siaallingag a sipapasnek bareng adda inna mangngeg a timek nga amammuna, nasantak, timek ti ubing.
Ngem awan nangngegna ket awan met nasarakanna, ket nagturong iti kosina.
