Maikapito ngata ti urasen iti bigat idi nalpas ni Padre Salvi ti maudi a misana: dagiti tallo a mismisa naidatunda iti uneg ti maysa nga uras.
—“Masakit ni apo padi”, —kinuna dagiti mananglualo; —“saan a naanat ken nataraki ti panaggunggunayna a kas kadawyan.” Naguksob kadagiti ar-aruatenna a di man ket nagsao iti uray la no maysa, awan kinitana, awan dinillawna.
—¡Agan-annadkayo! —agkikinnissiim dagiti sakristan: —lumalo ti kulukol! ¡Tumudo ita dagiti mulmuka, ket maipuon amin kadagitay dua nga agkabsat!
Pinanawanna ti sakristia ket immuli iti konbento, nga iti sirokna, nga iso metten ti pagadalan dagiti ububbing, iso ti yanda nga agur-uray kenktiana a situtugaw kadagiti bangbangko ti maysa a pito wenno wallo a babbai ken maysa a lalaki nga agpagnapagna iti murdong ken murdong. Idi makitada a sumungad, timmakderda, maysa a babai ti immiina a napan kuma umagcp iti imana, ngem ti padi inpadlawna iti maysa a gunay ti ganatna, iso a namagtukiad iti babai idi maguduana ti dalanna. —d’Nakapukaw ngata iti sikapat ni imot? —kinuna daydi ba bai a nagkatawa iti narabak, ta nabainan iti kasdi a pannakaawat. !Saan da ket ngaminen a pinagmano, idinto ta iso ti Seladora ti Ermandad, iso ni ermana Rufa! Napalalo daydi.
—¡Ita a bigat, saan a timmugaw iti konpesonario! —innayon ni ermana Sipa, maysa a baket nga awan ngipennan; --kayatko ku ma itay ti agkonpesar tapno makapagkomulgarak ket makagunudak iti induljencia.
—¡A ket kaasiankay man! —kinuna ti maysa a pangub-ubingen pay, a langana ti kas la pangang-ang-angen; —iti daytoy a lawasna, nakagun-udak iti tallo a plenaria, ket inpaayko iti kararua daydi asawak.
