ngem agsangitkay man; ala, awan sinasaok.
Ni Sisa nagasog.
—¿Saan ka a manganen? No kasta, ngarod. agiddatan tarabiin.
Ni Sisa rinipkanna ti abong ket ginaburanna dagiti bassit a begbeggang iti dapo, tapno saan da a rnatay, kas pamayan ti tao kadagiti rikrikna ti kararua: gaburanna ida iti dapo ti biag a naganenna iti saan a panangikankano, tapno saanda a maiddep iti, pannakilangenlangcn iti kanayon nga aldaw kadagiti pada a tattao.
Ni Basilio dinayamudumna dagiti lulualona ket nagidda iti asideg ni inana, iso a sipaparintumeng nga aglulualo.
Alimbasagen, puduten ket malammin met; ingganetgetna nga inkidem dagiti matmatana, a nangpanpanunot iti adina nga iti daydi a rabii, kunana la no maturog iti saklot ni inana, ket ita adda ngata nga agsangsangit ken agpigpigerger ti buteng iti maysa a nasipnget a suli ti konbento. Dagiti laplapayagna inda pay la dengdenggen dagiti ik-ikkis, kas pannakangngegna iti pagkampanaan, ngem ti nabannugan a bagina rinugyanna a pinagla laok dagiti panpanunotna ket ti kararua ni turog immapay ka dagiti matmatana.
Nagparparmata ket nakakita kan pay idi iti maysa a sited nga adda dua a kandelana a sisesegged. Ti kura, a nagiggem iti pagbaot, dengdenggenna a di agtagtagari ti sakristan mayor a makisasao kenkuana iti sabali a pagsasao, ket nakabutbuteng dagiti gargarawna. Ni Crispin agtigtigerger ket iwarasna iti amin a di mangan-ano dagiti matmatana a makasangsangit a kas la adda inna sapsapulen a tao wenno suli a mabalinna a paglemmengan. Ti kura sangwenna ket pagsasawanna a sipupungtot ket ti pagbaot agsagawisiw. Ti ubing tumaray a mapan agsalakan iti likudan ti sakristan, ngem toy tiliwenna, tengngelenna ket isanguna ti pungtot ti kura: daydi awanan gasat sumkad, agkulipagpag, agiri, ibautna ti bagina iti datar, agtulatid, bumangon, tumaray, maigalis, matuang ket sarapaenna dagiti babaot kadagiti im-imana, a no masugatdan, inna ilemmeng iti nakaparpardas, nga agung-ungor. Ni Basilio makitana nga agkikiet, maimalo ti ulona iti datar, makita ket mangngegna nga agsagawisiw ti pagbaot! Iti pannakapukaw ti inanama nan, ti adina tumakder; napamuyungen iti rigat, sarangtenna dagiti mangkabkabil kenkuana ket kagatenna ti ima
