kadagiti dadduma a paspaset ti Avesta ket binangunna ti maysa
a relijion, nga adda pakaipadpadaanna iti relijion tayo; ket ni
Zarathustra, kas kuna dagiti mamasirib, in-inauna ngem ni Kristo
iti saan nga agkurang a walo gasot a tawen. Kunak a saan nga
agkurang, ta ni Gaffarel, kalpasan ti panangamirisna kadagiti
painmaneknek da Platon, Zanto de Lidia, Plinio, Hermipos ken
Eudoxo, kunana a dua ribo ket lima gasot a tawen ti in-inaunaanna ngem ti rugi toy tawen a bilbilangentayo. Uray no ania ti
kayat kadagitoy, pudno ket di a ni Zarathustra adda nasasaunan
a kas la Purgatorio, ket inna met insuro dagiti pampamuspusan
tapno maispal datao kenkuana. Dagiti sibibiag mabalinda a subbuten dagiti karkararua dagiti natnatay a sibabasol, babaen ti
inda panangulit kadagiti dadduma a paspaset ti Avesta, babaen ti
inda panagaramid ta dagiti naimbag nga ar-aramid, ngem masapol a ti mangikakaasi kabagyan ti maikaka-asi inggana iti maikapat a kapututan. Ti kanito a pannakaaramid toy, sagtunggal
tawen, ket agpaot iti lima nga al-aldaw. Idi nabaybayagen, idi
naipasagepsepen toy a pammati iti ili, dagiti papadi daydi a reli
jion nakitada a dakkel a pamastrekan ket pinagbalinda a bubon
a pagalaan iti pirak daydi “pagbaludan a napalalo unay nagsipnget,
iso a pagarian ni bakababa," kas kuna ni Zarathustra. Pinagba
linda, ngarod, a babaen ti pateg ti maysa a derem, kuarta a nababa
ti pategna, iti panagkunada, mabalin a paksayan ti maysa a kararua iti makatawen a panagtutuok; Ngem gapo ta iti daydi a
relijion addada basbasol a madusan iti manipod tallo gasot ingga
na sangaribo a tawen a panagtutuok, kas ti panagulbod, ti panagsuitik, ti saan a panagtungpal iti maibbatan a sao, kdmpy., rumsua
a dagidi nasikap a papadi, riniwriwriw a derem ti isuputda. Iti
daytoy, makitayo nga adda bassit pagpadpadaan da iti Purgatorio
tayo, nupay adda gidiatda, a patauden ti panaggidiat ti relijion.
Maysa a kimat a sinaruno ti napigsa a gurruod, pinatakderna
ni Doray, iso a nagkuna a nagugis:
—jjesus, Marta y Jose! Panawankay pay laeng; ta innak agpuor iti ramos ken manegged iti kandela a perdon.
Ti tudo nangrugi a pimmigsa, kas la agibuybuyat. Ni pilosopo Tasio intuluyna ti nagsao, idi kitkitaenna nga umadayo ti babai:
—Ita ta awan, mabalintay a pagsaritaan a nalaing toy a banag.
