LI CONSTIPATION QUAM CAUSE DEL MALADIES
Poc maladies es tam difuset quam li constipation. Ma multes ne considera it quam ver maladie e ili condui se con índiferentie contra it. Multes ne save que li constipation es li cause de mult altri maladies, e que por resanar se it es necessi far desaparir li cause. On have li custom curar mult maladies per remedies sin valore, sovente mem nociv e in omni casu tre car. On ignora que li unesim maladie, li constipation, deve esser curat ante que anc ii altri maladies, resultant ex it, posse esser curat.
Congestion in li cap, cap-dolores, nauseas, manca de apetite, fatiga, indolentie, omni to posse esser genitet ex constant constipation. Sufrente pro tal maladies on sovente pensa que li cause de ili es nervositá, anemie, excess de labore, e on prova respectiv medicamentes, ma tis ci comprensibilmen nullmen auxilia.
Hemoroides presc sempre relate constipation ; ili es altricos quam fortmen extendet venes in li anus, ili tam plena e extende se que ili salia ex it, ili inflamma se e causa sanguation.
Inflammation del ciec intestine. Presc nequande homes sufre pro ti maladie, queles ne conosse perturbationes del stomac e del intestines, Li sicc contenete del gross intestines irita li mucosi membrane e genite litt lesiones. Tis-ci es inflammat e posse producter locos plen de suppur. Multes, queles sufret pro inflammation del ciec intestine e queles sentit advertient dolores in li loco del ciec intestine ye omni ínregulari functionament del intestines, esset liberat de omni to pos har curat li constipation.
Maladies queles relate congestiones es influentiat nocivmen per ti constipation, p, ex. oftalmie, glaucoma, e altri ocul-maladies, cordie-maladies, inclination al apoplexie. Omni maladie acompaniat de febre, samli omni infant-maladies es mal influentiat de constipation, ti-ci mem es li prim cause de ili. Constipation es sempre debilitá del intestines. Mult homes sufre nu de constipation, nu de diarré. Ambi eveni si li intestines es debil e labora mal.
Precipue du causes producte constipation : Insuficent movement e ínapt manja. Li infantes sovente deve sider trop long sur li scol-bancos, anc li aprentises e li laboreros queles pratica mestiere sin corporal movement (p. ex. sutores, scritores), it es omni tis queles labora sident. Corsage e strett vestimentes anc influentia mal li intestinal function. Inclinat a constipation es anc ti persones queles sovente manja in li restoratorias ; ili recive manjages tro spiceat e salat, e trop poc fructes.
In li max mult casus on posse curar li constipation per changear li manjages e per cuidar por suficent movement corporal. In matin on mey trincar lentmen, gutte pos gutte, un glass de frisc aqua ; in hiverne on mey calentar it un poc. In li matinal repaste, on deve trincar ni cacao ni café, e qui sufre pro constipation anc ne mey trincar cocinat lacte ; vice to on mey manjar ne-salat aven-pappa con un poc
lacte crud e miel. Til midí, on ne deve manjar necos, ma omni hor
73
