- ( 4 )
Nune ing alala cang ibpang matua
ampon queca Artos ing maguing cadua na
nung é na piguilan mua nang darala
canacung gulutan iting Inglaterra,
Qng mal á indu mu nung é cu gumalang,
acu cang ibpa cu pilit lapastangan
ing mayap cung daptan ing thaeo na pin man
ban é cu milisia dalan catuliran.
Mamu'na cu queca sugning capaṇusig
at cuyug cung -sinta cabangal ning isip
é mu cacalinguan qñg pusu liligpit
ing pamicalugud at lub tang malinis.
At bista man case macarayu cu man
ing pamigaganaca é cu rin calinğnan
deting aduang reino queca sang lingapan
at pagmasaquit mu nun ting alinglangan.
Ngana mong Don Artos masulit á bina
iting pami-abe micandayung bigla
aguiang catacmus na't nining bie macna
tuquian daca mu rin damayan qñg sabla.
Niting Oliveros nganing pеquibat na
Artos é itulut ing cacu musi ca
ninung magmasaquit nung ipilit mung queca
caring aduang reino nung sumpungan dang guerra
Inia malacuan ca at queca mamun cu
é ca malulumbe sintang catutu cu
nung ipagcalub na ning Guinung y Cristo
tin mu ring panaún miquit pasibayu.
