- (2)
Tin namang anac na metung yang Principe
macabalita ya qug tapang at liesi
pitatacutan de ding Leon at Tigre
aguiang ding Guerreros manga na Gigante,
Ing catapanga'na qñg yatu mibantug
qng pamaquibanga ning Principe Artos
daca lang sinucu magcas á guerreros
caniting bayani qñg pamaquipamuc.
Nanu ta deti nan tibla'no ning sinta
Aring Alejandro at Reina Eustaquia
ya namang yaduan da ding. Consejeros da.
iña é meliuag midesposada la.
Ding aduang Principes á supling da't cambang
anti la mo uaring misale qng ation
milulupa no man ing cabas da cambal
at miabe la deti cuartong catudturan.
Ugali ning yatu qñg saliuang palad
nanu mang cayapan atin mu ring sumbat
yang carsjilan ing queang panlacad
tucsu ning demonio ya ing *salabat.
Qng misan á hengi meninap vang Reina
cang Don Oliveros inguil pin qng sinta
maragul ya mua iñang miguising ya
é ne buring aquit ing pangunaca'na.
Iting Oliveros alang male dit man
qng dala nang mua ning Reinang gagalang
iña mejalata qñg uli na nitang
qng pamisulu ra canitang pamangan.
