Page:Corrido qñg bie rang queralanan di Oliveros ilang Artos.pdf/39

(36)

 Qñg miliaring ita cucullo ra ding lat
ing viva-victoria quetang micapalad
ing Aring Floresto inagad nang pising
careta ning sabla á carin macarap.
 Iya't é aliua Marte qñg Valencia
ing bantug á Artos yang mig-victoria
ngeni ing yablas cu at the cung honra
camtan met nebangnan ing ana'cung Blanca.
 Aldo mu ring ita agad nang depatan
itang casamiento ati ra Uniban
peparaquit de pin Obispong macamal
Artos at y Blanca qñg ba'nong icasal.
 E cu na pagsulit tulang tinatag da
sablang Consejeros qñg reino Valencia
iniang mapupus na memu'no pin queta
qng Aring Floresto deting miasana.
 Pepaintulut na ning Sacramajestad
ing cayaduanan da pablasa qng tapat
aldo mu ring ita malaguanz linacad
ine ra at pintan ing Valenciang ciudad.
 Iniang datang na la qñg mesabing reino
matula la murin sablang Consejero
inia mig fiesta la qñg real Palacio
bilang pasalubung qng Reina rang báyu.
 At saca ra lingcap canita ning fiesta
ding sablang Pisamban ing misa de gracia
anting pasalamat qñg Dos ing muna
at ing cadua naman qñg Ari at Reina.