Page:Corrido qñg bie rang queralanan di Oliveros ilang Artos.pdf/34

(31)

 Nganang Oliveros nanu ca yang sucat
qng utang cung lnb at dapat á mayap
nung qng alimbaua é cu macayablas
panayan mu na mu qñg Dios á matas.
 Agad lang minaus caring Cirujano
ing sugat nang Artos qug barang paulu
lugud da't pacamal é mu mamagcanu
deting miasaua at Aring mayúbu.
 Pagulutan ta pa iti nang cang Artos
yang ipagsulit ing cang Oliveros
qning ba'yung abalu at layun atalus
ita ning miliari quetang queang tudtud.
 Qng misan á benĝi ume capitangan.
iting Oliveros tudtud na maniaman
caladua ning Conde queti ya dinatang
quea yang guinising ing Principeng mal.
 Anti yang, mipacde iting Oliveros
ngana ninu icang sinira qñg tudtud
pequibat ning Conde á quea dinurup.
quilalanan mu ya ing quecang caruoĝut.
 Ingui qñg tipanan ing pamange queti
ibat qng asbuc mu pengacung matibe
cascup 6 canauan nanu man ing datang
piraramayan ta anga man capilan.
 Nung qñg paquinabang anti naman carin
matulid á bina piracayan mu rin
anti ing tenaman macetas qñg jardin
ya ing pipitnan ing lunto nang supling.