Page:Corrido qñg bie rang queralanan di Oliveros ilang Artos.pdf/28

(25)

 Ing tula nang Artos é sucat pasabi
quetang pangabie na Ding cuyug na't casi
iting Oliveros anti naman queti
quetang pamiquit da melambat miuale.
 Miagape no pin qng bundue linisia
ding aduang mieuyug maragu‘la tula
pipagsalita ra ing miras dang calma
pamicauani ra melambat nang bina.
 Nganang guingeas Artos ó cuyug cu't sinta
migmula na queta pamicauani ta
qng quecang panlaco reino luglaterra
ali na miratun ing lub cu balisa.
 Horas cung painaua qñg misan á aldo
macaquera cu più canitang catri cu
cacung atalangan garrapang liquan mu
ita ning lamaina melutung iquit cu.
 Cabud pauaquit cu agad cung guinayac
peaintun da na ca 'miayaliuang ciudad
pemangutang da ca tau cung atuclas
alang mecasabi qñg disan mung labuad.
 Iniang ala napin cacu muñe uaga
canacung aucul caring ciudad lisia
maglacbe qng bundue at carin magsaria
magpalamanglámang ing aquit da ca sa.
 Anga ning dinatang tapat ugtung-aldo
migeanlung qñg lilung parimlan queng aldo.
yang panaquit cu quetang Caballero
gani na matuling uspit ya cacu.

4