Page:Corrido qñg bie rang queralanan di Oliveros ilang Artos.pdf/23

(20)

 Misdan ya y Artos qng sabi nang bisni
ing quea minatu é ne casanguni
iña ing guingeas na Caballero tabi
é na sa icamua ning damla mu't uri.
 Anting migtinganĝas ing isip at lub cu
qñg queca nung baquet aquilala mu cu
nganing Caballero cacu yang catutu
ing tau Castilla á panintunan mu.
 E y Oliveros ing quecang pagpacsan
nun iña miras ca qñg marayung lugal
mipajamac ya pin atiu qñg cascupan
meluat neng meuala nung pila'nang bulan.
 Inia mirate la ing Ari't Princesa
iting cabagayan menibatan queca
lingapan mu ngeni qñg reino luğub ca
iça té alius timaua carela.
 E ra aquilala ing añu mu't ayus
mabilug qñg lub da isang Oliveros
inia ume na ca qñg reinu ca lungub
queca lang saguipan ding mitiab qñg lungeut,
 Mamu'na cu ngeni at lacuan dana ca
qñg aliuang aldo carin miquit tana
at y Artos naman queti na quilala
ing ti‘neng asaua ing cuyug na't sinta.
 Linacad ne queta qñg reino tinuru
at iniang datang ne qng real Palacio
selubungan de ngan sablang Consejero
ing tulang quimtan da é mu mamagcanu.