- ( 32 )
Iniang mapagal ne y Abu qñg terac
itang susulud na pauang mengagabac
acu é cu Sultan queang gugulisac
nun é mamulang cu á queco macarap.
Migagaliguit ya ampon lucsuluesu't
macapanģisnģis pa daig ne ing songu
ing pamangaili ra lacuas mecagulu
ing inge sabian pa qng real Palacio
Sultan á sisilip é na apibata
qng selicuta'na bigla ping linual ya
queang pangaili é mipangisnaua
titimid neng atian sayasayucut ya.
Mayap na, mayap na, gagcas nang masican
ing pamapacaili locung Abu-Hasan
ini nang tula cu é cu apiguilan
ati'ne mangasias ining cacung atian.
Qng dimdam nang ita y Abu ticnang na
ing quea babaual linaue ne queta
ya ing Mercader aquilala na ya
lacuas nang digdagan ing pamanerac na.
Me'ca queni ngana cacung cáluguran
at magum ca queni canining teracan
ali ing binte na ning Mercader naman
at acu ing tune panģinuan yung Sultan.
Canitang dimdam na ala neng agaua
ita ning teterac tambing menimutla
qng arap ning Sultan siniclod yang bigla
migmatunud ne pin at mengayupapa
