- ( 28 )
Nung macanian ngana ing queaug pequibat
anti mu nang bayad qñg lasa mu't sindac
at ing quecang nasa paua ngang metupad
peparusan mu la deta ning migsucab.
Aliua ing pasbul gagauan mung sangcan
qñg pangabuclat na cacu yang quelinguan
quetang paglaco cung camamaranunan
detang libung onza ilang cabayaran.
Inia sa't nğeni nan malunus ca cacu
á nung sucat cu pang tuquing pasibayu
at nung maliari pang pacanan mu cu
qng ba'sang maulu ini nang danup cu.
Ngana mo ning Abu queting casabi na
aguiang ting dit pang mua depat mung minuna
ninu mang danupan ali cu abata
é cu apagcait ing é pacanan ya.
Canitang bale cu tuqui ca nğeninan
ban ing danup mu mapauing agaran
ing maguing ablas na á cacung yayaduan
queca yang isima ing pasbul qng dalan.
Linacad no queta qñg bale tinuru.
ing mapamacalulu at tiualang y Abu
maragul ya tula é mu mamagcanu
y Harun-Alraschid mapamirung tau.
ng bale nang Abu inía ping miras la
agad dang liclucan canan qñg lamesa
at canitang alac mipaninum na la.
at quetang queluatan melasing. lang adua.
