- ( 24 )
Y Abu binte na nun é cu sa Sultan
¿ninung peparusa caring cáluguran?
¿ninung minie queca caring onza naman?
nun é pin mo acung gueua yung mamulang.
Pota naman galang pisiag nang indu na
taung pepacan mu pemamialung na
pablasang qñg ita é me caquilala
camamaranunan bigla ping meco ya.
Magcuculam ya pin ita ing queraclan
yang pignasa'na at buring palungan
guilua'na ca buntuc ampon pemiraitnan
ba‘cang maniuala ing tune cang Sultan.
Canitang guingcas na ning matuang indu na
niti nan mong Abu yang aganaca na
marajil pin tutu ing magcuculam ya
yang quinulam cacu itang palamara.
O ing cacung bilin ali ya tinupad
ing pasbul qñg dalan ali ne linapat
at meco nia cabud licua'na nia't sucat
ing demonio naman mipalub yang agad.
Ing lilung demonio ing marajil nĝana
ya ing macalub canitang buntuc na
iti ing guinulu qñg caucula'na
at itang é tutu ing peniuala'na.
Inia mengacu yang é na na ulitan
itang mepaliaring anting panaguimpan
queang panga-Sultan é na na banguitan
ba'ra neng é yausan at yapus mamulang.
