- ( 17 )
Agad yang miniabi ita ning catau
Sulu na ning Banua ngara mo canacu
itang metung naman o Sultan cung guinu
ing Coral á asbuc ya pin ing laguiu cu
Nitang metung naman ing bansag cu ngana
ing canacung laguiu Ligaya ning sinta
at ing metung naman inagad pisiag na
ya pu ing laguiu cu Mabanglung sampaga.
Mipamulala ya iting maquiramdam
quetang sinabi ra qng laguiu rang bingcal
ing bibiruan dia mu é na inuculan
inia migsulit ya ngana carela nğan.
Pauang macayuyut laguiu yung darala
qng pusung maninap migapus qng sinta
yang quecong leguan pangadua ning banua
at ing ninu pa mang macaquit talaga
Ngana mo ning metung nung ya nin tutu
o matas á Sultan é cu pu bibiru
baquet pu quecami é ca mamili pu
ban ting cayabe mu at maguing cásundu.
Qñg pising nang ita ing binte nang Abu
salauayan cu lub qng pamamili cu
quening sintang cumpit bálana icayu
nung ninu ing bisa at tangap canacu.
Acu ngaring sabla miagnan ngang guincas da
acung pinili na ning Sultan monarca
sabian pa case ing pangagulu ra
detaning queraclan memicatsang Dama.
- 3
